Шаньдунге астық пойызы жөнелтілді
«Қазақстан теміржолшысы» газетінің тілшісі
Қазақстан агросекторда Қытай Халық Республикасының Шаньдун провинциясымен ынтымақтастықты дамытуға ниетті. Тиісті уағдаластықтарға ҚР Ауыл шаруашылығы министрлігі мен Шаньдун провинциясы өкілдерінің кездесуі шеңберінде қол жеткізілді.
Алғашқы 1,3 мың тонна қазақстандық астық Алматыдан Цзинань қаласына жаңа контейнерлік жүк пойызымен жөнелді. Бұл оқиға Алматыда Бұрындай станциясында Шаньдун қалыптастыру орталығының ашылуына себеп болады. Бұдан басқа ауыл шаруашылығы өнімдерін жеткізуді ұлғайту жөніндегі жоспарлар Азық-түлік корпорациясы мен Binzhou Zhongyu Foods компаниясы арасындағы меморандумға қол қоюмен бекітілді. Құжатта 200 мың тонна отандық астықты аспан асты еліне экспорттау көзделген.
Еліміздің ауыл шаруашылығы өнімдерін қайта өңдеу саласына көп көңіл бөлінуде. Осыған орай Қытай бизнесмендері Қазақстан аумағында бірлескен қайта өңдеу кәсіпорындарын ашуға шақырылуда. Айта кетейік, 2023 жылдың қаңтар-маусым айлары аралығында ҚР мен ҚХР арасындағы ауыл шаруашылығы өнімдерінің тауар айналымы 578,5 млн долларды құрады, бұл 2022 жылдың сәйкес кезеңімен салыстырғанда 72,7%-ке артық. Қытайға экспорттың негізгі көлемі дәнді дақылдар мен түрлі майларға тиесілі, Қазақстан өз кезегінде көкөністер мен жаңғақтарды импорттайды.