ҚТЖ Сарыағаш шекара өткелі арқылы жүк тасымалдауды ерекше бақылауда ұстайды
Қазіргі уақытта Сарыағаш шекара өткелінің жүктемесі артқан. Норма 6 мың вагонды құраса, қазіргі вагон ағыны 6,5 мыңға жеткен, бұл магистральдық желінің өткізу қабілетінің төмендеуіне әкеледі.
Жағдайды тұрақтандыру үшін ҚТЖ Өзбекстан теміржол әкімшілігі өкілдерімен Сарыағаш шекара өткелі арқылы жүктерді тасымалдау көлемін - тәулік сайын 30 пойызға дейін ұлғайту бойынша белсенді жұмыс жүргізуде.
Талдықорған станциясына келетін болсақ, «HALYQ ASTYQ EXPO» ЖШС жүк жөнелтушісінің Қазақстан бойынша тасымалдаудың негізгі жоспары толығымен орындалды. Келісуде - қосымша жоспар.
Бұл ретте Талдықорған және Тентек станцияларынан жүк жөнелтушілерден Сарыағаш бағытындағы негізгі жоспармен жүк тасымалдауға өтінімдер түскен жоқ. Өзбекстан бағытындағы тасымалдардың қосымша көлемі 20 қарашадан кейін қаралатын болады.