KAZLOGISTICS 2023 жылдың қорытындысын шығарды
Астана қаласында «KAZLOGISTICS» Қазақстан көлік одағының жылдық жалпы жиналысы болып өтті. Отырысқа көлік, сауда және интеграция министрліктерінің, бәсекелестікті қорғау және дамыту агенттігінің, «ҚТЖ» ҰК» АҚ, «Атамекен» ҚР ҰКП, қауымдастықтар мен бизнес-қоғамдастықтардың өкілдері қатысты.
Жиналыста Одақтың 2023 жылғы жұмысының қорытындысы шығарылды. Өткен жылы KAZLOGISTICS «Жүктерді контейнерлендіру және контейнерлік тасымалдау бағдарламасын» әзірлеу жөніндегі жұмыс тобы шеңберінде жұмысты жандандырды. Көліктік-логистикалық қоймалар мен уақытша сақтау қоймаларына талдау және көлік пен логистика саласындағы статистикалық деректерді жинау мен орталықтандыру жұмыстары жүргізілді. 2023 жылы ынтымақтастық туралы 17 меморандумға қол қойылды. Жастар мен спорттық іс-шаралар ұйымдастырылды.
Кездесуде көлік түрлері бойынша жұмыс топтары басшыларының, сондай-ақ Одақтың ақпараттық серіктесі болып табылатын TLK Media компаниясының баяндамалары тыңдалды. Тексеру комиссиясының актілері, Одақтың 2024 жылға арналған бюджеті мен іс-шаралар жоспары бекітілді.
Анықтама үшін:
«KAZLOGISTICS» Көлікшілер одағына «ҚТЖ» ҰК» АҚ, «ҚТЖ-Жүк тасымалы» ЖШС, «Қазтеміртранс» АҚ, «KTZ-Express» АҚ, «Ақтау теңіз сауда порты» ҰК» АҚ, «Air Astana» АҚ, «Scat» авиакомпаниясы сияқты 66 белсенді және басқа да мүшелері кіреді. Одақ көлік-логистика саласының 570 астам компаниясын біріктіреді, мемлекеттік органдармен, ҚР «Атамекен» ҰКП, қауымдастықтармен, халықаралық ұйымдармен, бизнес-құрылымдармен өзара іс-қимыл жасайды.