Қаңтар айында ҚТЖ желісінде тиеу көлемі 7,3%-ке өсті

2024 жылдың сәйкес кезеңімен салыстырғанда ҚТЖ желісінде тиеу көлемі 7,3% ұлғайып, 21,7 млн тоннаны құрады, деп хабарлайды Rail-news.kz.  

Ал, экспорттық тасымалдау көлемі 8 млн тоннаға жетті, бұл өткен жылдың қаңтарымен салыстырғанда 13,4% артық. Ішкі тасымалдар да 4% өсіп, 13,7 млн тонна болды.

Тас көмір тасымалдау 5,2%, яғни 9,5 млн тоннаға дейін өсті. Ел бойынша қатты отын тасымалдау 2,4%, яғни 6,7 млн тоннаға дейін өсті, ал экспорт 12,7% , яғни 2,7 млн тоннаға дейін өсті.  

Астық тасымалы 35% өсіп, 1 млн тоннадан асты. Экспорт 35%, ал ішкі тасымалдар 33% өсті. Ұнтақ  өнімдерін тасымалдау 13,8% , яғни 231 мың тоннаға дейін өсті.

Сондай-ақ, 2025 жылғы қаңтарда мұнай жүктерін тасымалдау 4%, яғни 1,7 млн тоннаға дейін, қара металдар 10,6%, 364 мың тоннаға дейін, химиялық тыңайтқыштар 18%, 445 мың тоннаға дейін, темір кені мен марганец 7,8%, 1,6 млн тоннаға дейін өсуі байқалады. Құрылыс жүктерін тасымалдау 9,3% өсіп, 777 мың тоннаны құрады.