Шаньси провинциясынан алғашқы контейнерлік пойыз Орта дәлізбен Әзірбайжанға жөнелтілді
ҚТЖ еншілес компаниясы - KTZ Express алғашқы контейнерлік пойызды Шаньси провинциясынан (ҚХР) Әзірбайжанға Транскаспий халықаралық көлік бағдары (ТХКБ) бойынша мультимодальды тасымалдауды жүзеге асырды, деп хабарлайды Rail-news.kz.
Жалпы салмағы 1150 тоннадан асатын фотоэлектрлік модульдер жиынтығы бар 50 стандартты контейнерден тұратын құрам Цзиньчжун қаласындағы "Чжундин" логистикалық орталығында құрылды және жөнелтілді. Пойыз Қазақстан аумағымен өтіп, Ақтау портына келді. Әрі қарай жүк теңіз арқылы Әзірбайжанға жеткізілді.
Солтүстік Қытайдан Орта дәліз бойынша жаңа маршруттың іске қосылуы өсіп келе жатқан маңызды көрсетеді, сондай-ақ Қазақстанның Еуразия логистикасындағы негізгі транзиттік буын ретіндегі мәртебесін нығайтады.
ҚТЖ Қытайдан ТМД елдеріне, Кавказға, Түркияға және Еуропаға жүктерді сенімді және жылдам жеткізуді қамтамасыз ете отырып, мультимодальды шешімдерді дамытуды жалғастыруда.