Қытайдан Қырғызстанға мультимодальды контейнерлік тасымал іске қосылды

Қытайдың іскерлік астанасы Шанхайдан «Қытай – Қырғызстан» мультимодальды бағыты бойынша өнеркәсіптік шикізат тиелген алғашқы контейнерлік пойыз жолға шықты, деп хабарлайды  Rail-news.kz сайты «Синьхуа» агенттігіне сілтеме жасап.

Алдымен жүк ҚХР СУАР-дағы Қашғар қаласына дейін теміржол арқылы жеткізіледі. Бұдан кейін контейнерлер автокөлікке тиеліп, «Торугарт» өткізу бекеті арқылы Қырғызстанға жөнелтіледі.

Мультимодальды бағыт бойынша жүктерді тасымалдау шығыны 30%-ға дейін азайып, Шанхай кәсіпорындарының өнімін шетелге жеткізудің жаңа логистикалық арнасы болмақ.