ҚТЖ желісі бойынша жүк тасымалдау 287,8 млн тоннаға жетті
2025 жылдың 11 айының қорытындысы бойынша «ҚТЖ» ҰК» АҚ желісі бойынша жүк тасымалдау көлемі 287,8 млн тоннаны құрады, бұл 2024 жылдың сәйкес кезеңі көрсеткішінен 11,5 млн тоннаға (+4%) артық, деп хабарлайды Rail-news.kz.
Теміржол көлігімен экспорттық тасымалдар өткен жылмен салыстырғанда 4,9 млн тоннаға (+6%) ұлғайып, 80,2 млн тоннаға дейін өсті.
Көмір тасымалы 8% артып, 31,2 млн тоннаға жетті. Өсім Ресейге, Еуропалық одақ пен Орталық Азия елдеріне қатты отын жеткізуді ұлғайту есебінен қамтамасыз етілді.
Астық тасымалдау көлемі 9,7 млн тоннаны (+2,6 млн тонна, +36%) құрады.
Орталық Азия елдеріне 5,6 млн тонна (+32%) жөнелтілді, оның ішінде
Өзбекстан – 4,0 млн тонна (+31%),
Тәжікстан – 1,3 млн тонна (+19%),
Қырғызстан – 300 мың тонна (үш есе өсім).
Иран бағытында 800 мың тонна астық тасымалданды (өсім екі есе).
Ресей аумағы арқылы транзиттік тасымалдар 2,2 млн тоннаға дейін өсті (өсім 3,2 есе), оның ішінде:
Қара теңіз порттары арқылы – 350 мың тонна (+51%),
Балтық порттары арқылы – 161 мың тонна (+96%),
Балтық жағалауы елдері мен порттарына – 724 мың тонна, бұл сегіз есе өсуді көрсетеді.
4,2 млн тонна астық және құрама жем өңдеу өнімдері жөнелтілді (+1,5 млн тонна, +57%). Айтарлықтай өсім Қытайға құрама жем жеткізуді ұлғайту есебінен қамтамасыз етілді: көлемі 2,9 млн тоннаға жетті, бұл өткен жылғы деңгейден төрт есе дерлік артық.
«ҚТЖ» ҰК» АҚ тасымалдардың тиімділігін арттыра Қазақстан аумағы бойынша және экспорттық қатынаста жүк ағынының тұрақты өсуін қамтамасыз ете отырып, логистиканы дамыту жөніндегі жұмысты жалғастыруда.