«Достық – Алашаңқай» түйіспесі арқылы тасымалдау 6% өсті

2025 жылдың 11 айында «Достық – Алашаңқай» мемлекетаралық түйісу пункті арқылы теміржол тасымалы өткен жылдың сәйкес кезеңімен салыстырғанда 6% өсіп, 17,8 млн тоннаны құрады. Вагондық есептеуде көлемдер 450,2 мың бірлікке жетті (+1%), деп хабарлайды Rail-news.kz.

Жүктерді ҚХР бағытында беру бойынша да, оларды қабылдау бойынша да оң динамика байқалады:

•             209,7 мың вагон (өткен жылдың деңгейінде) немесе 12,9 млн тонна (+4%) тапсырылды;

•             241 мың вагон (+1%) немесе 4,8 млн тонна (+12%) қабылданды.

Өткен жылдың сәйкес кезеңімен салыстырғанда 138,9 мың вагон (+6%) немесе 9,2 млн тонна (+10%) экспорттық тасымалдардың өсуібайқалғаны жеке атап өтіледі.

ҚХР бағытындағы Достық станциясы арқылы қазақстандық экспорттың мынадай номенклатуралары бойынша айтарлықтай өсім тіркелді:

•             кен – 6,2 млн тонна (+20%);

•             мұнай жүктері – 322,8 мың тонна (+35,6%);

•             химиялық жүктер – 70,6 мың тонна (+1%);

•             құрама жем – 522,4 мың тонна (өсім 3 есе).

ҚТЖ сенімділік пен тиімділікке назар аудара отырып, жүк тасымалының тұрақты өсуі бойынша жұмысты жалғастырады.