ҚТЖ вагон паркінің 70% жуығы көмір тасымалдауға тартылған
Корреспондент газеты «Қазақстан теміржолшысы»
Қазіргі уақытта Қазақстан аумағында көмір тасымалдау үшін әр түрлі меншік нысанындағы 35 мың ашық вагон тартылған. Оның ішінде 13 мыңнан астам вагон «ҚТЖ» ҰК» АҚ еншілес ұйымы – «Қазтеміртранс» АҚ-ға тиесілі. Бұл «ҚТЖ» ҰК» АҚ ашық вагондарының жалпы санының шамамен 70% құрайды. Бұл туралы «ҚТЖ-Жүк тасымалы» ЖШС бас директорының орынбасары Қанат Көбесов «Самұрық-Қазына» қорының баспасөз орталығында онлайн-брифинг кезінде айтты, деп хабарлайды Rail-news.kz. Бүгінгі күні көмір тасымалдауға арналған ашық вагондар саны жеткілікті. «ҚТЖ – Жүк тасымалы» маркетингтік қызметі көмірді тиеу көлемінің ұлғаюына дейінгі түрлі нұсқаларын есептейді. Қажет болған жағдайда көмір разрездерінің қажеттілігі толық көлемде қамтамасыз етілетін болады.