ҚТЖ-да пойыздар қозғалысы кестесін түзудің автоматтандырылған нұсқасы енгізіледі
Солтүстік өңірлік тасымалдарды басқару орталығының екі диспетчерлік учаскенің Қырқыншы-Ерейментау және Қырқыншы-Қарағанды-Сұрыптау станцияларында орындалған пойыздар қозғалысы кестесін түзудің автоматтандырылған нұсқасы алғаш рет енгізілді.
Жоба 9 ай ішінде жүзеге асырылады. Енді пойыз диспетчерлеріне кестені қағаз тасығышта қолмен рәсімдеудің, ал станция бойынша кезекшілерге – ДУ - 2, 3 станциялық журналдар мен кестенің тәуліктік жоспарын толтырудың қажеті жоқ.
Пойыздар қозғалысы кестесін жүргізудің автоматтандырылған нұсқасын пайдалану ақпараттың жеделдігі мен дұрыстығын арттыруға, қағазсыз технологияны енгізуге, орындалған қозғалыс кестесін қолмен түзуді болдырмауға мүмкіндік береді.
Жоба екі кезеңде жүзеге асырылды. Біріншісінде-Қырқыншы-Ерейментау учаскесінде апробациядан өтті. Қырқыншы, Сары-Оба, Есеншілік, Едіге және Ерейментау станциялары бойынша кезекшілер жұмыстың жаңа форматын ашушылар болды. Екінші кезең жергілікті жұмыс бойынша ең күрделі учаскелердің бірінде және пойыздар қозғалысының қарқындылығы жоғары - Қырқыншы-Қарағанды-Сұрыптау учаскесінде өтті. Пойыз диспетчерлері мен №42 басып озу пункті, Бабатай, Аршалы, Анар, Сарыбел, Ақтасты, Шоқай, Мырза, Нұра, Көкпекті және Қарағанды-Сұрыптау станциясының кезекшілері кәсібилік танытты.
Қарағанды жол бөлімшесінің 7 станциясында автоматтандырылған жұмыс орындарын ұйымдастыру бойынша жұмыс жүргізілді. Пойыз диспетчерлерінің жұмыс орындары қосымша кеңсе техникасымен жарақтандырылды, сондай-ақ 85 маманға арналған оқыту вебинарлары өткізілді.
Қазіргі уақытта жоба Қарағанды-Сұрыптау-Құлайғыр диспетчерлік учаскесінде іске асырылуда және оны Құлайғыр-Мойынты учаскесінде енгізу үшін дайындық жұмыстары жүргізілуде.
2024 жылдың бірінші жартыжылдығы соңына дейін тағы 6 диспетчерлік учаскені іске қосу жоспарланып отыр, осылайша Солтүстік өңірлік орталықтың барлық жол бөлімшелерін қамтиды. Екінші жартыжылдықта эстафетаны Оңтүстік және Батыс өңірлік тасымалдарды басқару орталықтарының диспетчерлік учаскелері қабылдайды.
Жұмыс диспетчерлік аппарат жұмысының әдеттегі бөлігін алып тастау арқылы тасымалдау процесін басқару деңгейінің арттыруға бағытталған.