ҚТЖ жұмысы қорытындыланды

Суретті түсірген Александр ЖАБЧУК
Сұлугүл Бакесова

«Қазақстан теміржолшысы» газетінің тілшісі

Сәрсенбі күні Ұлттық компанияның мәжіліс залында «ҚТЖ» ҰК» АҚ-ның 2023 жылдағы жұмыс қорытындысы мен 2024 жылы алға қойып отырған міндеттері талқыланған кеңейтілген жиын өтті. Фойеде компанияның өткен жылы қол жеткізген жетістіктеріне арналған стенд ұйымдастырылып, онда көрініс тапқан деректер мен дәйектер бейнеролик арқылы көпшілік назарына ұсынылды.

Жиынға «Самұрық-Қазына» АҚ экономика және қаржы жөніндегі басқарушы директоры, «ҚТЖ» ҰК» АҚ Директорлар кеңесінің төрағасы А.Рысқұлов, ҚР Көлік вице-министрі М.Қалиақпаров, ұлттық компанияның құрылымдық бөлімшелері мен филиалдарының басшылары қатысты. 

Бірінші болып сөз алған «Самұрық-Қазына» АҚ экономика және қаржы жөніндегі басқарушы директоры Айдар Рысқұлов ҚТЖ-ның өткен жылғы жұмыс қорытындысында оң динамика байқалып отырғанын, алдыңғы жылмен салыстырғанда былтыр жүк айналымында, әсіресе транзиттік тасымалда жоғары көрсеткішке қол жеткізіп, қаржылық көрсеткішін жақсартқанын атап өтті. Сондай-ақ Компания тарапынан тарифті көтеруге қатысты бастама көтерілгенін және бұл бағытта жұмыс жүріп жатқанын жеткізді. Бұдан кейін Көлік вице-министрі Мақсат Қалиақпаров сөз алып, теміржол көлігі еліміз үшін стратегиялық рөлге ие екенін және Мемлекет басшысы бұл салаға айрықша мән беріп отырғанын атап өтті.

– Соңғы он жылда транзиттік контейнерлер көлемі бес есеге өсті. Бүгінде Қазақстан Еуразияның көлік хабына айналып отыр және тұрақты логистикалық жүйесі бар. Экспорттық және транзиттік бағытта ауқымды жобалар жүзеге асып жатыр. Жыл сайын жылжымалы құрам паркі жаңалануда, осы мақсаттарды жүзеге асыруға Көлік министрлігі өз құзыры шеңберінде қолдау көрсетеді, – деді Көлік вице-министрі.

Бұдан кейін Ұлттық компанияның 2023 жылдағы жұмыс қорытындысы туралы «ҚТЖ» ҰК» АҚ Басқарма төрағасының орынбасары Қанат Әлмағамбетов қысқаша баяндап берді. Былтыр пайдаланымдағы жүк айналымы 269 млрд тонна-км құрап, алдыңғы жыл көрсеткішінен 7% жоғары болған. Ал контейнерлік транзит 1 млн 282 мың ЖФЭ-ні құрап, 2022 жыл көрсеткішінен 13,5% артық шыққан. Қазақстан мен Қытай темір жолдары арасындағы жүктерді тасымалдау көлемі 22% өсіп, 28 млн тоннаға жетті. Бұл – елдер арасындағы теміржол байланысы ашылғаннан бергі максималды көрсеткіш. 

2023 жылы жол жөндеудің ауқымды көлемі орындалып, 1443 км теміржол төсемі сауықтырылған. Былтыр компания үшін ғана емес, республика үшін де ірі инфрақұрылымдық жобаларды іске асыруға қатысты маңызды оқиғалар болғаны атап өтілді. Компанияның аппарат жетекшісі Серік Кеулімжаев өткен жылы жалақы 20%-ға өскенін, бүгінгі таңда компанияның өндірістік персоналының орташа жалақысы республикалық деңгейден 26% асып түскенін мәлімдеді. Сонымен қатар былтыр қызметкерлердің санитарлық-тұрмыстық еңбек жағдайларын жақсарту бойынша ауқымды іс-шаралар өткізілген. 228 ғимарат, 467 үй-жай және локомотив бригадаларының 37 демалыс үйі жөнделіп, желілік қызметкерлерді жұмыс орнына жеткізу үшін 384 бірлік көлік сатып алынған. ҚТЖ желісі бойынша жұмыс жүргізу үшін шалғайдағы станцияларға шығатын теміржолшылардың толыққанды демалуына қажетті барлық заттармен жабдықталған 132 модульдік ғимарат орнатылып, олар барлық қажетті инженерлік коммуникацияларға қосылған. Биыл 120-дан астам модульдік ғимарат орнату жоспарлануда екен. Сонымен қатар теміржол бойындағы аралықтарда теміржолшыларға жұмыс кезінде жаңбыр мен желден пана болатын 1224 жылыту пункті орнатылған. Компания топ-менеджерлері жұмысшыларға қолайлы еңбек жағдайын жасау жұмыстары ағымдағы жылы да жалғасатынын атап өтті. Жиынды қорытындылаған «ҚТЖ» ҰК» АҚ Басқарма төрағасы Ұлттық компания қызметінің басым бағыты тасымалдау қауіпсіздігін қамтамасыз ету болып қала беретінін айтты. 2024 жылдың негізгі міндеттерінің бірі – тасымалдау көлемін ұлғайту және транзитті дамыту, цифрландыру бағдарламаларын іске асыру, теміржол инфрақұрылымы мен жылжымалы құрамды жаңарту екенін жеткізді. Жиын соңында еңбегі еленген бір топ маман Самұрық-Қазына компаниясы тарапынан Құрмет грамотасымен және ҚР Көлік министрлігі тарапынан Алғыс хатпен марапатталды. 

Әлемде
18.06.2024
Мамырда Қытай-Еуропа бағытындағы жүк пойыздар рекордтық көрсеткішке жетті
Инфрақұрылым
18.06.2024
Шымкенттің вокзалы жаңа келбетке ие болды
Жолаушылар тасымалы
18.06.2024
Елдің батысына су жаңа вагонмен қамтылған пойыздар жүре бастады
Жаңалықтар
18.06.2024
Теміржолда киіктердің қоныс аудару жолдарын қамтамасыз ету жұмыстары жүргізілуде
Жаңалықтар / Мұрағат
18.06.2024
«Қазақстан теміржолшысы» газеті, №51 18 маусым 2024 жыл
Әлемде
17.06.2024
Үндістанда екі пойыз соқтығысып, 15 адам қаза тапты
Жаңалықтар
17.06.2024
Қазақстанның екі қаласындағы теміржол бекеттерінде жөндеу жұмыстары толығымен аяқталды
Жаңалықтар
17.06.2024
Пойыздағы адамдардың мазасын алған мас жолаушы айыппұл арқалады
Қауіпсіздік
17.06.2024
Маңғыстауда биыл 12 мал пойыздың астына түскен
Жүк тасымалы
17.06.2024
Жіңішке жүк станциясының бүгінгі жай-күйі
Әлеумет
17.06.2024
Теміржолшылар Құрбан айтта қайырымдылық жасады
Әлеумет
17.06.2024
Депоның бірнеше қызметкері құрметті демалысына шықты
Әлеумет
17.06.2024
Пойыздың терезесіне тас лақтыру тиылмай тұр
Жолаушылар тасымалы
14.06.2024
Бурабай бағытындағы пойыздарда жолаушылар саны үш жыл ішінде 10 есе өсті
Жаңалықтар
14.06.2024
Маңғыстауда ретро көліктер шеруі өтті
Спорт
14.06.2024
Шетпе станциясында теміржол мекемелері арасында шағын футболдан турнир өтті
Жаңалықтар
14.06.2024
Парламентте ҚТЖ-ның қаржылық жағдайы сөз болды
Жүк тасымалы / Апта саны
14.06.2024
Бес айда темір жол көлігімен 102 млн тоннадан астам жүк тасымалданды
Жаңалықтар / Мұрағат
14.06.2024
«Қазақстан теміржолшысы» газеті, №50 14 маусым 2024 жыл
Инфрақұрылым
13.06.2024
Өткелдер техникалық талапқа сай ма?