Теміржолшылар әулеті рекордтар кітабына енді
Теміржолшылар Түкібаевтар әулеті Қинэс-тің қазақстандық рекордтар кітабына еніп, ең ұзақ еңбек өтілі бойынша рекорд орнатты.
Еңбек кітапшаларымен расталған бүкіл рекордшы әулетінің жиынтық өтілі 616 жылды құрайды. Түкібаевтар отбасы бесінші буында өзінің қиын кәсібіне адал. Әр уақытта теміржолда Тукібаевтар отбасының 27 өкілі жұмыс істеген, және де жұмыстарын жалғастыруда.
Әулет өкілі Ғалымбек Түкібаев өз кәсібі үшін мақтаныш сезімін сезінетінін атап өтті.
- Мен «ҚТЖ» ҰК» АҚ-ның Семей жол дистанциясының жетекші инженер-технологы болып жұмыс істеймін. Мен өз білімім мен жинақталған тәжірибемді отбасымыздың жас теміржолшыларына беремін. Бүгінде темір жолда Түкібаевтар әулетінің негізін қалаушылардың немерелері мен шөберелері жұмыс істейді, - деді ол.
Бұған дейін отбасы жыл сайынғы «Еңбек жолы» республикалық байқауының «Үздік еңбек әулеті» номинациясы бойынша жеңімпаз атанды.
Байқауды Еңбек және әлеуметтік қорғау министрлігі үздік еңбек әулеттері мен өндіріс қызметкерлерін анықтау мақсатында өткізді. Әр уақытта теміржолда Түкібаевтар отбасының 35 өкілі жұмыс істеп, өз жұмыстарын жалғастыруда. Әулеттің жалпы еңбек өтілі 600 жылдан асады. Әулеттің негізін қалаушылар – ағайынды үшеу – Маукен, Ілияс және Сыдық. Ағайындылар темір жолдағы еңбек жолын 30-шы жылдары бастап, Түркістан – Сібір темір жолының құрылысына қатысты.
Маукен Түкібаев пойыз кондукторы, содан кейін станция бойынша кезекші болды. Ұлы Отан соғысы жылдарында станция бастығы болып жұмыс істеді, әскери оқ-дәрілер мен азық-түліктерді майданға үздіксіз және қауіпсіз жеткізуді қамтамасыз етуге үлес қосты. Оның ағалары Ілияс пен Сыдық Түкібаевтар жол дистанциясында жұмыс атқарды.
Әкелерінің даңқты және ерен еңбегін балалары Маликриян Маукенұлы, Серікқан Ілиясұлы, Ғали Сыдықұлы және Зұлкұмар Сыдықұлы абыроймен жалғастырды. Бүгінде темір жолда Түкібаевтар әулетінің негізін қалаушылардың немерелері мен шөберелері жұмыс істейді.