Жолаушылар пойызы жаңа вагондармен толығады
Жаңалықтар
05.07.2018, 11:57
![](https://rail-news.kz/uploads/posts/old/railnews5bc497f4302863.72920229.jpg)
«Жолаушылар тасымалы» АҚ Батыс аймақтық филиалы алдағы айларда 50 жаңа жолаушылар вагонымен толығуы мүмкін. Бүгінде компания басшылығы Қытайда шығарылған ыңғайлы вагондар сатып алу жөнінде келіссөздер жүргізіп жатыр деседі.
Айта кетейік, көрші мемлекетте шығарылатын жолаушылар вагондарының алғашқы легі еліміздің жолдарында 12 жылдан бері қатынап келеді. Ыңғайлылығы жағынан жолаушылардың көңілінен шыққан вагондар осы жолы Шалқар – Бейнеу теміржол тармағы арқылы өтетін жолаушы тасымалының бағын ашпақ.
«Жолаушылар тасымалы» АҚ Батыс аймақтық филиалының директоры Дархан Ұбайдуллаевтың есебінше, бүгінде филиалда 518 вагон бар: 14 СВ, 248 купе және 222 плацкарт вагондар.
Филиал басшысы жолаушылар соңғы жылдары интернет арқылы билет рәсімдеуге жаппай бет бұрып жатқанын, яғни бүгінде жолаушылар тасымалы саласында рәсімделетін билеттердің 73 пайызы интернеттің еншісінде екенін айтады. «Бұл көрсеткіш жыл санап артып келеді. Біздің мақсатымыз – жолаушыларға ыңғайлы жағдай жасау, артық шығынға ұрындырмау. Сұраныстарын қанағаттандыру десек, бүгінде бұл барлық жағынан мүмкін болып отыр. Бір ғана проблема кей аймақтарда вагондардың ескілігі болса, бұл мәселе де шешімін таппақ», – дейді.
Айта кетейік, бүгінде Ақтөбеден екі жолаушылар пойызы Алматыға қатынайды. Түстен кейін №23 пойыз жолға шығады, түн жарымында №33 пойыз құрамы қозғалады. Күндізгі пойызға жолаушылар легі көп те, түнгі пойызға халық саябырсиды екен. «Осы жағдайды зерделей келе, түнгі пойыздан вагондарды жолаушысы көп күндізгі пойызға тіркеп жатырмыз», – дейді Дархан Ұбайдуллаев.
Соның өзінде бүгінгі таңда жолаушылар легі артып, сәйкесінше, вагондар жетіспеушілігі сезілуде екен. Сол себепті, компанияның өзге аймақтағы филиалдарынан вагондар алдыртып жатқан да жайт бар көрінеді.
– Вагон паркінен мүлдем «сызып» тастайтын вагондар бар. Мәселен, Маңғыстау мен Астананың арасын жалғайтын пойыз вагондары жаңартылған. Ресейдің вагондары. Таза әрі кең. Ал, Маңғыстаудан Алматыға қатынайтын пойыз вагондары, керісінше, жөндеуге келмейді. Ескі. Алдағы айларда 50 жаңа вагон алуымыз керек. Оларды осы Маңғыстаудан Алматыға баратын маршрутқа, яғни Шалқар-Бейнеу тармағына жібереміз, – дейді филиал директоры.
Дархан Скендірұлының айтуынша, тағы бір жайт, Батыс аймағында рәсімделетін билеттер саны 4 пайызға артқан. Жыл басынан бері шамамен 1,5 млн жолаушы жол жүру құжатын рәсімдеген екен. Одан түскен кіріс 23 пайызға артқан. Бұл тек билет кассаларында сатылған билеттер бойынша. Ал, ғаламтордың көмегімен сатылған билеттердің есебін Астанадағы орталық кеңсе жүргізеді. «Ұшаққа мінгенде билетті қолға алып жүрудің қажеті жоқ қой, терминалға құжатпен жақындай бересіз. Осы күндері пойызға мінгенде де жолсерікте жолаушылардың тізімі болады. Тек құжатыңызды көрсетіп міне беруіңізге болады», – дейді филиал директоры.
Билет рәсімдеудегі тағы бір жаңалық – егер ойланып, билетті қайта өткізетін болсаңыз, ұсталатын комиссия мөлшері 4-5 есеге жоғарылады. Бұрын билет қайтарып бергшенде 200-250 теңге шамасында ұстап қалатын болса, бүгінде бұл сома 1 000 теңге шамасында.
– Мұны алаяқтықпен күрестің бір амалы дер едім. Өйткені, кейбір пысықтар пойыз орнынан қозғалар уақытта билетті кері тапсырып, бірақ қолындағы құжатымен діттеген жерге жетіп қалуға тырысады. Біз акт толтырып, мән-жайды анықтаймыз дегенше, жолаушы баратын станциясына жетіп алады. Мұндай жайттар өкінішке орай кездесіп тұрады. Сондықтан, сондай келеңсіздіктің жолын кесудің бір жолы осы, – дейді Дархан Ұбайдуллаев.
Бүгінде «Жолаушылар тасымалы» мобильді қосымша әзірлеу жөнінде бастама көтерген. Демек, алдағы уақытта смартфонның көмегімен билет рәсімдей беруге болатын көрінеді.
Айта кетейік, бүгінде «Жолаушылар тасымалы» АҚ Батыс аймақтық филиалында 2247 жолсерік қызмет етеді, оның ішінде 1543 жолсерік, 63 пойыз басшысы және 237 кассир бар.
Асқар Ақтілеу, Ақтөбе
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді