Жолаушылар пойызының қозғалыс кестесіне өзгеріс енгізілді

"Жолаушылар тасымалы" АҚ қозғалыс қауіпсіздігін қамтамасыз ету мақсатында жүк вагондарының жолдан шығып кетуі мүмкіндігі мен ауа райы жағдайларына байланысты Қарағанды бөлімшесінде теміржол учаскелерінің өткізу қабілеті төмендегенін хабарлайды. 

Осыған байланысты келесі жолаушылар пойыздары кеш жүреді:

- №3/4 "Астана-Алматы",  

- №9/10 "Астана-Алматы",  

- №51/52 "Алматы-Орал",  

- №71/72 "Астана-Шымкент",  

- №73/74 "Алматы-Жезқазған",  

- №86/85 "Астана-Шымкент",  

- №105/106 "Алматы-Петропавл".  

Компания жолаушылар пойыздарының қозғалыс кестесін қалпына келтіру бойынша барлық қажетті шараларды қабылдауда.  

Сонымен қатар, келесі жұмыстар жүргізілуде:

1. Вокзалдардағы жолаушыларды пойыздардың кешігуі туралы дауыс зорайтқышпен хабардар ету.  

2. Анықтама қызметі арқылы күнделікті және тәулік бойы ақпарат беру 105 (стационарлық нөмірлерден тегін, мобильді нөмірлерден 25 теңге/мин).

3. Құзыретті қызметкерлер қатарындағы мобильді топтар перрондарда/вокзалдарда жолаушылар арасында қалыптасқан жағдай бойынша түсіндіру жұмыстарын жүргізеді.  

4. +7 (707) 270-36-64 (WhatsApp) нөмірі бойынша жол жүру құжаттарын (билеттерін)қайтару мәселелері бойынша ақпараттық қолдау көрсету

5. Жолаушыларды, багажды, жүк-багажды және пошта жөнелтілімдерін көлікпен тасымалдау қағидаларына сәйкес жөнелтуді кідірткен кезде, сондай-ақ жолаушыны межелі теміржол станциясына тасымалдайтын жолаушылар пойызының кешігуі үшін Ұлттық тасымалдаушы жолаушыға жол жүру құжаты (билет) құнының әрбір кешігу сағаты үшін үш пайызы мөлшерінде айыппұл төлейді. Өндіріп алынған айыппұл сомасы жол жүру құжатының (билеттің) құнынан аспауға тиіс.

6. Пойыз 6 сағаттан артық кешіктірілген кезде жолаушыларға мейрамхана вагондарында тегін тамақ беріледі.

7. Жолаушыларға жол жүру шарттарының өзгеруі және пойыздардың 3 сағаттан артық кешігуі туралы "SMS-хабарлау" ұйымдастырылды.  

8. Вокзалдарда техникалық және технологиялық мүмкіндіктерге сүйене отырып, тамақтану пункттерінің, сауда нүктелерінің, санитарлық аймақтардың (дәретханалардың) үздіксіз жұмысын бақылау қамтамасыз етіледі.