Тоғыз бала тәрбиелеп отырған теміржолшылар әулеті

Суретті түсірген Александр ЖАБЧУК
Сұлугүл Бакесова

«Қазақстан теміржолшысы» газетінің тілшісі

Қазақстанда қыркүйек айының екінші жексенбісінде «Отбасы күні» аталып өтеді. Осы мерекеге орай «ҚТЖ» ҰК» АҚ құрамында еңбек ететін тоғыз балалы ерлі-зайыпты теміржолшылар Талғат пен Жібек Ермағамбетовтер отбасына құрмет көрсетілді.

 Теміржолшылардың орталық ғимаратында орналасқан музейді аралап, журналистерге сұхбат берген Талғат пен Жібек үш ұл, алты қыз тәрбиелеп отыр. Жарық дүниеге тоғыз бала әкелген Жібектің өзі қырықтан асса да, жас келіншектей құлпырып тұр, тал бойында бір мін жоқ, ақ жүзі әжімнен ада. Керісінше, әр бала көркем келбетіне одан сайын ажар сыйлап, жасарта түскен тәрізді.  

Отбасының тұңғышы 21 жастағы Еркеназдың бұл күнде өз отауы бөлек, екі сәбиі бар. 2018 жылы «Астана аруы» атанған, мамандығы дизайнер. Одан кейін үйелмелі-сүйелмелі үш ұл қатар өсіп келеді. Нұрсұлтан Түркияның Измир қаласындағы жоғары оқу орнына өз күшімен оқуға түсіп, инженер-технолог мамандығы бойынша білім алуда. Әділет Тұран колледжінде архитектор мамандығына оқып жатыр. Үшінші ұл Арсен 9-сынып оқушысы, футбол ойнайды. Одан кейін Нұрсая, Айзере, Майра, Бексана атты болашақ арулар өсіп келеді. Ал отбасының сүт кенжесі, еркетотай Ақкерім төрт жаста.  

Бір қолымен бесікті, бір қолымен әлемді тербеткен қазақ әйелінің протатипі сынды кейіпкеріміз бала туып, оны бағумен отырып қалмай, алған жоғары білімімен теміржолда тер төгіп жүр. Ұлттық компанияда жұмыс істеп жатқанына биыл 15 жыл. Қазір «ҚТЖ-Жүк тасымалы» ЖШС-де бухгалтер. Демалыс күндерін бала-шағаға арнап, үй тірлігімен айналысатын Жібектің өмірге еш өкпесі жоқ. Балаларының тәтті қылығы, шат күлкісі шаршағанын, өмірдің қымбатшылығы мен қиындықтарын ұмыттырып жіберетінін айтады. Оның үстіне, өмірдің қызығы мен шыжығын бірге көріп, бірге бөлісуге серт берген адал жары – азаматының қолдауы да Жібектің жүзіне кірбің түсірген емес.  

Ал осындай үлкен де жарасымды жанұяның отағасы Талғат Ермағанбетов «ҚТЖ» ҰК» АҚ – Магистральдық желі дирекциясы филиалында заңгер болып жұмыс істейді. Теміржол саласында қызмет еткеніне 12 жыл.

– «Адамның бір қызығы бала деген» деп Абай атамыз бекер айтпаған шығар. Әр бала өмірге өз несібесімен келеді. Сондықтан көп балалы болудың қиындығынан қызығы мол. Қазір қымбатшылық заман екені рас. Бірақ,Үкімет тарапынан да көп балалы отбасыларына түрлі жеңілдіктер, азды-көп материалдық қолдаулар көрсетіліп жатыр ғой. Жақында Президент халыққа жолдауында балаларға арналған инвестициялық қор құрылып, ұлттық қордан әр балаға кәмелет жасқа толғанша ақша аударылып тұратынын айтты. Мұның бәрі Қазақстан халқы санының өсуіне, отбасы құндылығы артатынына сенім ұялатады. «ҚТЖ» компаниясында да Ұжымдық шарт шеңберінде көпбалалы отбасыларға қолдау-көмек бар. Теміржолда жұмыс істегеніміздің арқасында елордадағы «Saranda» тұрғын үй кешенінен төрт бөлмелі пәтер алдық. Әрине, 25 жыл төлемақысын жүргіземіз. Бірақ өз баспанамыздың болғаны – көңілімізге медеу, – дейді көп балалы әке.  

Ынтымақ пен ауызбіршілік үстемдік еткен жанұяда жарасымды жұптың тәрбиесін алып өсіп келе жатқан балапандардың келешегі кемел боларына сеніммен қарайсың.  

 

Аймақтар
20.06.2024
Семейде қалаішілік жаңа желінің құрылысы басталды
Әлемде
20.06.2024
Hyundai Rotem Өзбекстанға алты жүрдек пойыз жеткізеді
Қауіпсіздік
20.06.2024
Түркістан түлеп келеді, ал өткелдің жайы өзекті
Қауіпсіздік
19.06.2024
Өндірісте еңбек қауіпсіздігін сақтау маңызды
Темір жол тарихы
19.06.2024
Теміржол тарихы: Әулиеатаға теміржол қалай келді?
Спорт
19.06.2024
Атырауда теміржолшылардың жазғы спорт алаңы ашылды (Фото)
Жаңалықтар
19.06.2024
ҚТЖ-да "Үздіктер алаңы" корпоративтік даму бағдарламасы басталды
Әлеумет
19.06.2024
Ақмолалық дәрігер жүрдек пойызда толғағы қысқан әйелді босандырды
Әлемде
19.06.2024
Euro-2024 жанкүйерлері үшін Германия жаңа жүрдек пойызды іске қосты
Әлемде
18.06.2024
Мамырда Қытай-Еуропа бағытындағы жүк пойыздар рекордтық көрсеткішке жетті
Инфрақұрылым
18.06.2024
Шымкенттің вокзалы жаңа келбетке ие болды
Жолаушылар тасымалы
18.06.2024
Елдің батысына су жаңа вагонмен қамтылған пойыздар жүре бастады
Жаңалықтар
18.06.2024
Теміржолда киіктердің қоныс аудару жолдарын қамтамасыз ету жұмыстары жүргізілуде
Жаңалықтар / Мұрағат
18.06.2024
«Қазақстан теміржолшысы» газеті, №51 18 маусым 2024 жыл
Әлемде
17.06.2024
Үндістанда екі пойыз соқтығысып, 15 адам қаза тапты
Жаңалықтар
17.06.2024
Қазақстанның екі қаласындағы теміржол бекеттерінде жөндеу жұмыстары толығымен аяқталды
Жаңалықтар
17.06.2024
Пойыздағы адамдардың мазасын алған мас жолаушы айыппұл арқалады
Қауіпсіздік
17.06.2024
Маңғыстауда биыл 12 мал пойыздың астына түскен
Жүк тасымалы
17.06.2024
Жіңішке жүк станциясының бүгінгі жай-күйі
Әлеумет
17.06.2024
Теміржолшылар Құрбан айтта қайырымдылық жасады