Алтын кітапқа енген теміржолшы Әби Сарқыншақов өмірден озды

ҚТЖ келбеті
20.09.2022, 10:30

Қыркүйектің 18-ші жұлдызында 88 жасқа қараған шағында «ҚТЖ» ҰК» АҚ Консультативтік кеңесінің мүшесі, Қазақстанға еңбегі сіңген көлік қызметкері, ұзақ жылдар Павлодар темір жолы бөлімшесін басқарған, есімі Павлодар облысының Алтын кітабына енген Құрметті теміржолшы Әби Сарқыншақов өмірден озды.  

Әби Сарқыншақұлы 1934 жылы 11 мамырда Қызылорда облысы Тереңөзек ауданының Қызылту ауылында дүниеге келген. 1956 жылы Ташкент теміржол көлігі инженерлері институтын бітірген жас маман жолдамамен Қарағанды темір жолының жаңадан ұйымдастырылған Павлодар бөлімшесіне жұмысқа келеді. Еңбек жолын станция кезекшісі болып бастап, инженер, пойыз диспетчері қызметтерін абыроймен атқарып, небәрі 26 жасында Павлодар станциясының бастығы болып тағайындалады. Ал 1975 -1996 жылдар аралығында Одақ темір жолындағы ең күрделі Павлодар бөлімшесін басқарды.  

1997 жылдан бастап ҚР Көлік және коммуникация министрлігінде бас кеңесші, «Қазақстан темір жолы» РМК Бас директорының кеңесшісі қызметтерін атқарды. «Қазақстан темір жолы» ҰК» АҚ президентінің Солтүстік аймақ бойынша өкілінің орынбасары болды. «ҚТЖ» ҰК» АҚ Консультативтік кеңесінің тұрақты мүшесі.

Үкімет Ә.Сарқыншақовтың теміржол саласының дамуына қосқан үлесін жоғары бағалады. Кеңестік кезеңде Ленин, Октябрь революциясы, «Құрмет Белгісі» ордендерімен, «Ерен еңбегі үшін» медалімен марапатталып, 1970 жылы Құрметті теміржолшы атағын алды.  

Тәуелсіз Қазақстан темір жолындағы ерен еңбегі үшін «Құрмет» және «Парасат» ордендерімен марапатталды. Басқа да түрлі мерейтойлық медальдар мен төсбелгілер, министрліктің алғыс хаты мен грамоталары бар, еңбек жолында 257 марапатқа ие болды.  

Ә.Сарқыншақов – Қазақстан темір жолдарының тарихы туралы төрт кітаптың, салалық, жергілікті және республикалық баспасөзде басылған жүздеген мақалалардың авторы. «Ұмтылмайтын 40 жыл» атты өз өмір жолынан естелік кітап жазып, жарыққа шығарды. Қаланың қоғамдық өміріне белсене араласқан ардагерге 1999 жылы Павлодар қалалық мәслихатының шешімімен Павлодар қаласының Құрметті азаматы атағы берілді.  

Даңқты теміржол ардагерінің қазасына орай отбасы мүшелеріне және барлық туған-туыс, жақындарына қайғыра көңіл айтамыз. Қазақ темір жолының дамуына ұшан-теңіз үлес қосқан Әби Сарқыншақұлының жарқын бейнесі жұртшылық есінде мәңгі сақталады.

«ҚТЖ» ҰК» АҚ басшылығы мен ұжымы және теміржол саласының ардагерлері: Қ.С.Сәмбетов, А.В.Стародуб, А.С.Селбаев, М.Ш.Хамзин, Н.Қ.Есенғарин, Ю.И.Лавриненко, Б.Е.Шормақов, Б.А.Есенаманов, А.В.Степура, П.П. Синица, Е.Н.Рахметжанов, Ю.А.Расстрыгин, А.Б.Сәрсенбеков, Н.Т.Байдәулетов, Қ.Әлсейітов, Қ.Ы.Котырев, Б.Б.Дүйсемалиев, Б.Қ.Жүнісов, Қ.С.Таласпеков, А.Т.Төлеушин, К.Н.Көкрекбаев, А.Т.Төреханов, Б. Қ. Нарегеев, Д.Д.Есімбеков және басқалар.

Аймақтар
06.10.2022
Теміржолда шыңдалған азамат бүгінде ел басқарып отыр
Жаңалықтар
06.10.2022
ҚТЖ-да IPO бағдарламасы туралы айтылды
Жаңалықтар
05.10.2022
ҚТЖ вагондарды беру-жинау кезінде сыбайлас жемқорлық тәуекелдерін жояды
Жолаушылар тасымалы
05.10.2022
Hyundai Кореядағы ең жылдам жүрдек пойызды жасап шықты
Жаңалықтар
05.10.2022
Еліміздің транзиттік әлеуетін нығайтуға бағытталған ірі жобалар іске аса бастады
Әлеумет
05.10.2022
ҚТЖ төрағасы салалық кәсіподақты 30 жылдығымен құттықтады
Жолаушылар тасымалы
05.10.2022
Қазақстанда пойызбен жүретін жолаушылар саны 33 пайызға артты
Әлеумет
05.10.2022
Теміржолшылардың тұрмыстық еңбек жағдайы жақсарып келеді
Спорт
04.10.2022
Астанада өткен марафонда атыраулық теміржолшылар топ жарды
Әлеумет
04.10.2022
Қарттарға құрмет көрсетілді
Әлеумет
04.10.2022
Қызылордалық теміржолшылар қарттар күнін ерекше атап өтті
Аймақтар
04.10.2022
Әлеуметтік қолдауға әрбір жұмысшы лайық – Кәсіподақ
Аймақтар
04.10.2022
Ұйымдастыра білген ұтады
Аймақтар
04.10.2022
Көшбасшыға қабілеттілік қажет
Сұхбат
04.10.2022
Кәсіподаққа деген сенімді ақтау – басты міндет
Әлеумет
04.10.2022
Еңбек жағдайына ерекше көңіл бөлінеді
Аймақтар
04.10.2022
Кәсіподақ жетекшісі: Сенім үдесінен шығу – міндет
Аймақтар
04.10.2022
Машинистер мүддесі жолында еңбек етіп жатқан жан
ҚТЖ келбеті
04.10.2022
Үздік инспектор
Аймақтар
04.10.2022
Сенім – бәрінен биік