Дүниежүзілік еңбек қорғау күні Жамбыл бөлімшесінде ерекше форматта өтті
Тараз қаласы бойынша меншікті тілші
Дүниежүзілік еңбек қорғау күніне Жамбыл бөлімшесі кәсіподақ ұйымы мен бөлімшенің еңбекті қорғау бөлімі бірлесіп ерекше форматтағы шара өткізді.
Оған Жамбыл вагон жөндеу депосы, Жамбыл локомотив пайдалану депосы және Тараз станциясы қызметкерлерінен жасақталған командалар қатысты. Олар еңбек қорғаудың талаптарын қаншалықты меңгергенін, мысалы алғашқы медициналық көмек көрсету жайлы білімдерін ортаға салды және осы бағытта түрлі сұрақтарға жауап берді. Барлық команда жүлделі орынға таласып, жеңіске ұмтылды. Дегенмен Тараз станциясының ойыншылары басым түсіп, жеңімпаз атанып, бағалы сыйлыққа ие болды.
- Бұдан бөлек өндірістік жарақат алған жағдайда алғашқы медициналық көмектің қалай жасалатынын көрсетіп, таныстыру үшін қосымша тәжірибелі медицина мамандарын шақырдық. Теміржолшылар керекті деректер алды, - дейді Жамбыл бөлімшесі кәсіподақ ұйымының төрағасы Серік Ақшораев.
