Балалар неше жастан бастап пойызда өздігінен жүре алады?
Болат Нұржігіт есімді оқырманымыз балалар неше жастан бастап пойызда ата-анасыз, өздігінен жүре алады деген сауал жолдаған екен.
Құрметті Болат, кәмелеттік жасқа толмаған балаларды ата-анасыз, ересектердің қарауынсыз пойызбен жалғыз жіберуге болмайды. «Жолаушыларды, багажды, жүк-багажды және почта жөнелтілімдерін теміржол көлігімен тасымалдау қағидасы» бойынша 15 жасқа толған балалар ғана өздігінен саяхаттай алады. Ал, жасы 15-ке толмаған балалар ата-анасының немесе туыстарының қарауынсыз өздігінен пойызда жүре алмайды.
Баланы пойызбен туыстары алып жүретін болса оған сенімхатты нотариалды түрде куәландыру қажет болады.
Пойыз билеттері, баланы тасымалдау құқығына сенімхат, сондай-ақ кәмелетке толмаған жолаушының туу туралы куәлігі - осы құжаттардың барлығы пойызға отырғызу кезінде жолсерікке ұсынылуы керек.