Шығыстағы жалғыз теміржолшы соғыс ардагеріне ізбасарлары тарту жасады
Абай облысы бойынша меншікті тілші
Бүгінде ел шығысы бойынша жалпы саны 43 соғыс ардагері қалған, соның ішінде бір ғана көзі тірі қарт теміржолшы бар.
Семей магистральдық желі бөлімшесінің қызметкерлері Жеңіс күні Дмитрий Литвиненконы мерекемен құттықтап, сый-сияпаттарын тарту етті.
Сонымен қатар Жеңіс күніне орай бөлімшеге қарасты барлық тыл ардагерлерін құттықтау ша- ралары ұйымдастырылып, Аягөз станциясының теміржолшылары ТЧЭ-25 локомотив депосы жанында орналасқан, Ұлы Отан соғысына қатысқан Түрксіб машинистеріне арналған аллеяға келіп, батырлар рухына тағзым жасады.
Ал, Семей қаласындағы мерекелік салтанатты шараға барша теміржолшыларды бөлімше басшысы Владимир Бабиченко мен салалық кәсіподақ ұйымының төрағасы Алик Досанов бастап келді. Сұрапыл күндер бір минуттық үнсіздікпен еске алынып, теміржолшылар Мәңгілік алауға гүл шоқтарын қойды.