Сыр елінің теміржолшылары ғасырға жуық жасаған қарт-жауынгерге қаржылай қолдау көрсетті

Қызылорда белгі беру және байланыс дистанциясының ұжымы 99 жастағы майдангер Жүнісов Төлеген қарияны Жеңісінің 77 жылдық мерекесімен құттықтап,  батасын алды. Дистанция мен кәсіподақ ұйымы атынан қаржылай көмек пен азық түлік пакетін табыстап, ардагерге мықты денсаулық бақуат өмір тіледі.  

Қызылорда облысы, Тереңөзек ауданының қазіргі Қаракөл ауылында 1923 жылдың желтоқсанында дүниеге келген Төлеген қария бүгінде тоқсан тоғыз жаста. Бейбіт күннің бақытты ғұмыр көріп отырған Төлеген қария Ұлы Отан соғысына 1942 жылдың мамыр айында аттанып, Ұлы Отан соғысында I-дәрежелі «Ұлы Отан соғысы» орденімен, «Германияны жеңгені үшін», «За боевые заслуги» және «Ерлігі үшін» секілді медальдармен марпатталған.  

1946 жылы  соғысынан оралған Төлеген Жүнісов алғашында ауылшаруашылық саласында түрлі жұмыстар жасап, 1978 жылдардан бастап темір жол саласына ауысады. Қараөзек стансасында ОРС НОД-тың жылжымалы вагон-дүкенінде сатушы болды.  Онан соң 1983 жылы зейнет демалысына шыққанға дейін Қызылорда белгі беру және сигнализация дистанциясында еңбек етті.  

- Соғыстан кейін қай салада жұмыс жасасам да өз еңбегімнің жемісін көрдім.  Адал еңбе етіп, төрт бала өсіріп,  қазір солардан  немере-шөбере сүйіп отырмын. Қалалық әкімшілік тарапынан 2010 жыл қөп қабатты үйден пәтер берілді. Жеңістің 70 жылдығы қарсаңында кешегі соғыс даласына саяхат жасап келдім, теміржолшы майдангер ретінде жалғыз менің баруыма осындай мүмкіндік жасаған Ұлттық  компания мен дистанция басшылығына разымын. 

Адам қанын төгу оңай емес, қарақтарым, Отан үшін отқа түстік. Ол от бізді жаудан аман алып қалды. Бірақ талай жап-жас қыршын қиылып жатты. Кейде кебінмен емес кебенекпен көмілген боздақтар, майдандастар есіме түскенде мен ертең Құдайдың алдына барғанда қалай жауап берер екенмін деп ойланамын,-деп егілді қарт майднгер қаруластарын еске алып...