Жаңаөзенде тұратын тыл ардагерін құттықтады
Маңғыстау облысы бойынша меншікті тілші
Жаңаөзен айналым депосының ұжымы мен цехтық кәсіподақ ұйымы Ұлы Жеңістің 77 жылдығына орай Жаңаөзенде тұратын тыл ардагері Жұма Сүйіндіковты құттықтады. Ақсақал депода біраз жыл тепловоз тізгіндеп, талай шәкірттің қанатын қатайтқан.
Бағалы сыйлық пен жеміс-жидек, дәрумендерге бай тағамдар толдырылған себеті мен Жеңіс белгісі бейнеленген торт алып келген кешегі әріптестеріне алғысын айтып, батасын берген қария өкінішке орай қос жанары көруден қалса да ой-санасы сергек қалпы, үйге өзі кіріп-шығып, жастарға ақыл-кеңес, әңгімесін айтып отырған жайы бар.
Жұма Сүйіндіков құжаты бойынша 1930 жылы Түркіменстанда туып, сол жерде еңбекке араласқан. 1941-1945 жылдары колхозда жұмыс істеген. Соғыс біткесін 1946 жылы Красноводск қаласындағы ФЗО-да оқып тепловоз машинисінің көмекшісі кәсібіне машықтанады. Бітіргесін Уфра қаласына сол мамандығы бойынша жұмысқа барады. Әскери борышын өтеп келегн соң машинистке оқып, 1954 жылы тепловоздың оң жақ қанатына отырады. 1966 жылы Маңғыстауға қоныс аударғасын да осы жұмысын жалғастырып, 1985 жылы зейнеткерлік демалысына шығады. Алайда денсаулығы сыр бермегесін жұмысын жалғастыра береді, басшылық та тәжірибелі машинистен айрылғысы келмей 1996 жылға дейін өлке темір жолында тек төккен ардагер тұп тура жарты ғасыр еңбек еткен екен.
