Алматылық локомотившілер әріптестерінің еміне 6 млн теңге жинап берді
Собственный корреспондент по Алматинской области
Алматы локомотив пайдалану депосының ұжымы қиын өмірлік жағдайға тап болған әріптестерінің еміне 6 миллион теңге жинап берді.
Игі бастамаға бірден үн қатқан депо жұмысшылары айналдырған 3-4 күннің ішінде ақшаны жинай білді.
- Қиын жағдайға тап болған өзге адамға жанашырлық танытып, қамқорлық көрсете білген қызметкерлеріме алғысым шексіз, -дейді Алматы локомотив пайдалану депосының басшысы Болат Төлекбаев.
Жылдамдықты өлшеу инженері Қайрат Қабдоловтың он алты жасар қызы Түркияда жедел емделуге мұқтаж. Алтынкөл айналым депосының машинисті Рүстем Иманбековтің әйелі науқас, оған қажетті ота қымбат тұрады. Жөндеу бөлімінің жұмысшысы Болат Жақсыбаев та жоғары білікті емдеуді қажет етеді.
Локоматившілер қажетті қаражатты толықтай жинай алмаса да, барлығы дерлік үн қатты.