Кәсіподақ қолға алған игі іс
![](https://rail-news.kz/uploads/2022/08/26/v9Dv8DG1UoPcwsJhpVuN9EVBeQGGJa1qwdokD1k6.jpg)
![](https://rail-news.kz/img/noimg.png)
Атырау облысы бойынша меншікті тілші
«Мектепке жол» жалпы республикалық қайырымдылық акциясы Атырау жүк тасымалы бөлімшесінде биыл да жалғасын тауып жатыр. Игі шара кәсіподақтың қолдауымен өтуде, деп хабарлайды Rail-news.kz.
Акцияның мақсаты – 4 және одан көп балалары бар отбасыларға жаңа оқу жылына дайындық кезеңінде көмек көрсету және әлеуметтік себептер бойынша балалардың мектепке бармай қалуын болдырмау. Оқу жылы қарсаңында аз қамтылған және көп балалы теміржолшылардың балаларына сыйлық жасалды. Атырау жүк тасымалы бөлімшесі бойынша кәсіподақ ұйымдарының ұйымдастыруымен 50 отбасының 1 сыныпқа баратын 220 баласына, ал Атырау магистральдық желі бөлімшесі бойынша 60 отбасыға, 3,4,5-класты станцияларда тұратын теміржолшы балаларына, яғни 140 оқушыға сөмкеден бастап барлық мектепке қажетті оқу құралдары табыс етілді. Сонымен қатар ұжымдық шартқа сәйкес әлеуметтік аз қамтылған отбасыларда тәрбиеленіп жатқан 824 балаға 2 АЕК көлемінде көмек берілген.
– Шыны керек, биылғы жылы қымбатшылық қысып тұрғаны рас, соған сәйкес қиналып қалып жатқан ата-аналар да бар. Сол себепті аз қамтылған отбасы балаларын барынша қамтуға тырыстық, – дейді кәсіподақ ұйымының төрағасы Нұрбол Нұрышев.