Балалардың тілектер шыршасы: теміржолшылар қайырымдылық акциясын ұйымдастырды

«ҚТЖ» ҰК» АҚ-да дәстүрлі «Тілектер шыршасы» қайырымдылық акциясы өтіп, оның барысында еліміздің әр өңірінен келген 250 жас теміржолшы өз әріптестерінің ерекше балаларына сыйлықтар сыйлады.

«Жастар бастамалары марафоны» жобасы аясында акция бірнеше жыл бойы өткізіліп келеді.

– Жаңа жыл қарсаңында біз балаларға ғажайыпқа сенуді сыйлағымыз келді. Алдын ала тізімдер жасадық, ата-аналармен және балалардың өздерімен сөйлестік, олар не армандайтынын білдік. «ҚТЖ» ҰК» АҚ ХІ республикалық жастар форумының қатысушылары әр өңірден өздерімен сый-сияпаттарын ала келіп, оларды балаларға адресті берді, - дейді «ҚТЖ» ҰК» АҚ әлеуметтік саясат департаментінің менеджері Ержан Жаналиев.

Сертификаттар, оқу ойыншықтары, ұялы телефон, ноутбук, планшет, құлаққап, қуыршақ үйі, бокс қолғаптары мен груша, бұлардың барлығы теміржолшылардың жаңа жылдық тосын сыйларының толық тізімі емес.

Мүмкіндігі шектеулі балалар ата-аналары әріптестеріне қамқорлық пен қуаныш сыйлағаны үшін алғыстарын айтып, ҚТЖ қызметкерлері ешқашан шетте қалмайтынын және қиын өмірлік жағдайларда қолдау көрсетуге тырысатынын атап жатты.

- Біздің 10 жасар қызымыз Айару – ерекше бала, оның церебральды сал ауруы бар. Толық күтімін қамтамасыз ету үшін мен жақын жерде болуым керек, сондықтан жұмысқа орналасуға мүмкіндігім жоқ. Кіші ұлым бірінші сынып оқушысы. Отбасын қамтамасыз ету жауапкершілігі жұбайым Хамзаттың мойнына жүктеліп отыр, ол Нұр-Сұлтан станциясындағы атқыштар командасы ғимаратының қараушысы болып жұмыс істейді. Алматыдан келген жастар сертификат сыйлады, енді біз Айару үшін қысқы заттарды сатып алуды жоспарлап отырмыз. Мен барлығына көмек пен көңіл бөлгені үшін үлкен алғысымды білдіргім келеді. Бұл өте құнды! - деді Анара Мұстафина.