Бала-өмір бақыты
«ҚТЖ-Жүк тасымалы» ЖШС Шымкент филиалының ұйымдастыруымен 1-маусым балалар күніне орай өткен іс-шараға Шымкент жүк тасымалы бөлімшесіне қарасты Шымкент, Қазығұрт, Қызылсай, Қорғасын, Түлкібас, Манкент, Текесу және өзге станциялардан теміржолшылардың 125 баласы қатысты.
2-маусым күні Шымқаладағы «Firkan City» ойын-сауық орталығында ертегі кейіпкерлері мен заманауи мультфильм персонаждары жас көрермендерге тамаша мереке сыйлады. Сондай-ақ балалар арасында эстафеталық ойындар ұйымдастырылып, топтық жарыстар өтті.
Сонымен қатар ерке қыздар бетіне аква гримм салдыртып қуанышқа бөленді. Бұл күні «FunkyTown» ойын алаңшасының барлық аумағында 4-12 жас аралығындағы бүлдіршіндерге тегін қызмет көрсетілді. Мерекелік шоу-бағдарламаның соңы балаларға арналған пицца мен тәтті сусындары бар фуршетпен жалғасты.
Осындай көңілді кештің өтуіне ҚТЖ «Жүк тасымалы» Шымкент филиалы мұрындық болды. Бөлімше кәсіподағының төрағасы Ермекбай Ерманов пен Шымкент филилалының экономика және қаржы жөніндегі директордың орынбасары Арман Сабденов балақайларды құттықтап, ізгі тілектерін білдірді.
Мереке соңы берекелі іске ұласты. ҚТЖ «Жүк тасымалы» Шымкент филиалының атынан Шымкент станциясының көпбалалы 5 отбасына 30 000 теңге қаржылай көмек, Түркістан қаласындағы ТЧЭ-33 мекемесінен ерекше балалары бар 5 отбасыға 27 000 теңге, Сарыағаш станциясындағы көпбалалы 5 отбасыға 27 000 теңгеден қаржылай көмек берілді.