Атыраудан 276 бала лагерге барды
Атырау облысы бойынша меншікті тілші
Биыл Атырау теміржолшыларының 276 баласы жазғы каникулда лагерь жырын шырқауда. Өлке теміржолшыларының балалары үшін жазғы демалыстың басым бөлігі тамылжыған тамыз айына тура келді.
Бұл да жаман емес, табиғат құлпырып, жеміс-жидек пісіп-төгілген шақта балалар лек-легімен жазғы демалыс лагерлеріне аттануда. Шілде айында да демалысқа аттанған бір топ болған, десе де негізгі лек тамызға тап келіпті.
Дәл қазір Атырау жүк тасымалы бөлімшесі бойынша Көкшетау, Алматы, Ақтау қалаларына 7-13 жас аралығындағы 146 бала 14 күн жаз жайнатып, күн күлдіріп, қазіргі уақытта рахаттана демалып жатыр. Сол секілді Атырау магистральдық желі бөлімшесі бойынша да 50 бала Бурабайдағы «Лесная сказка», 35 бала Ақтауда теңіз жағалауындағы «Балдаурен» лагерлерінде демалып, жазғы каникул уақыттарын көңілді өткізуде. Балалар жаңа оқу жылы қарсаңында осылай демалып, тың күшпен оралмақ.