Медпойыз Ақтөбе облысындағы жұмысын аяқтайды

«Саламатты Қазақстан» медициналық пойызы Ақтөбе облысының тұрғындарын қабылдауды аяқтауда. Доңғалақты емхана қазір облыстың алтыншы станциясы – Қарашокат тұрғындарын қабылдауда. Бұған дейін 10 күн ішінде пойыз Кемпірсай, Жем, Мұғалжар, Бершүгір және Қотыртас станцияларында болған еді.

Жоба аясында шалғайдағы станцияларда тұратын ел тұрғындары негізгі медициналық мамандықтардың білікті мамандарынан (терапевт, стоматолог, офтальмолог, лор-дәрігер, хирург, уролог, маммолог, педиатр және басқалар) тегін тексеруден және емделуден өтуде.

Бұл облыста дәрігерлер көбінесе азаматтарды негізгі күндізгі қабылдаудан кейін рельстердегі емханаға келе алмаған науқастардың үйіне барып қарады. Мысалы, Бершүгір станциясында дәрігерлер инсульттан кейін науқасты үйде мұқият тексеріп, өз ұсыныстары мен қорытындыларын берді.  

Бұдан басқа, жергілікті тұрғындарға азаматтардың мемлекеттік әлеуметтік қолдау алу, зейнетақы, жәрдемақы, әлеуметтік төлемдер және атаулы әлеуметтік көмек алу құқықтарын қорғау мәселелері бойынша тегін консультациялар берілуде.

Естеріңізге сала кетейік, «Саламатты Қазақстан» медпойызы - әлеуметтік жобаны «Samruk-Kazyna Trust» әлеуметтік жобаларды дамыту қоры «Samruk-Kazyna» АҚ компаниялар тобының атынан, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия мен Денсаулық сақтау министрлігінің қатысуымен, «Әлеуметтік жобалар қоры» Корпоративтік қорымен бірлесіп жүзеге асыруда. «Саламатты Қазақстан» әлеуметтік жобасының басты ақпараттық серіктесі ҚР Президентінің ТРК болып табылады.

2023 жылдың 18 қазанында «Саламатты Қазақстан» медпойызы Қызылорда облысына келіп, ағымдағы жылдың 3 қарашасына дейін 9 станция тұрғындарын қабылдайды.