«Саламатты Қазақстан» пойызы Маңғыстау тұрғындарын қабылдады

Әлеумет
27.05.2024, 12:46
Суретті түсірген автор
Шахида Жұман

Маңғыстау облысы бойынша меншікті тілші

ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия, Денсаулық сақтау министрлігі және «Самұрық Қазына» АҚ қолдауымен жолға шыққан «Саламатты Қазақстан» мамандандырылған медициналық пойызы Маңғыстаудағы жұмысын жалғастыруда. Түбек тұрғындарын қабылдауды мамырдың үшінші күні бастаған пойыз 25 мамырға дейін облыстың елдімекендерін аралады.    

Заманауи диагностикалық және соңғы үлгідегі құрал-жабдықтармен қамтамасыз етілген пойыз құрамында қырық шақты маман бар. Медицина қызметкерлерінен бөлек заңгерлер және медиаторлардың да болғаны халыққа тиімді болып тұр.    

Пойыздың өңірдегі алғашқы аялдамасы Бейнеу ауданындағы Тұрыш станциясы болды.Онда екі күн қызмет көрсетіп, Сай-Өтес станциясына жол тартты. 6-7-8 мамыр күндері сайөтестіктерді қабылдап, медициналық және құқықтық кеңес беру, т.т. қызмет көрсетті. Одан кейін Жаңаөзен станциясында үш күн тұрақтап, жұртшылықтың алғысын арқалаған ақжолтай пойыз Болашақ станциясына 12 мамырда жетті. Облыс орталығынан бес жүз шақырым шалғайдағы бұл станцияда да пойызды тағатсыздана күткендер көп болды. Жүз елуге жуық жергілікті тұрғынға қызмет көрсеткен соң пойыз бағыты Жетібай станциясына ауысты. Жетібайлық жұртшылық та қалауынша тегін медициналық және заңгерлік көмекке кенелді. Мамандандырылған пойызды Қарақия станциясында да қуана қарсы алды.  Басы ауырып, балтыры сыздаған жандар мен түрлі құқықтық мәселелердің түйінін таппай жүрген тұрғындар тегін беріліп отырған мүмкіндікті белсенділікпен пайдаланды.  

Шетпе станциясына 16 мамырда келген жылжымалы емхана мен құқықтық  көмекті күткендер қарасы көп екен. Былтыр Шетпеге бұрылмай кеткен пойыздың биыл жеткеніне қуанып, алғашқылардың бірі болып денсаулығын тексертуге келген Тұрым ақсақал болды. Лор дәрігерінің қабылдауында болып, ем-дом алған қария ақ халаттыларға алғысын білдірді.  

– Әлеуметтік жоба бойынша жолға шыққан пойыз сегіз вагоннан құралған. Төртеуі толығымен медициналық құралдармен жабдықталған. Пойыз жылда әртүрлі кестемен түрлі станция және бекеттерге барады. Қазір Үстірт станциясындамыз. Екі тәулік бойы жергілікті тұрғындарға қабылдау жүргіземіз. Арнайы тексеру, зерттеу құрылғыларымыздан өтудің бәрі ақысыз түрде жүзеге асырылады. Халық дереу қорытындысын біліп, керек кеңесін алып кетуде. Қажет жағдайда кішігірім ем-дом да көрсетеміз. Осы күнге дейін бес мыңнан артық адам қабылдадық. Оның ішінде шұғыл көмек көрсету керек жағдайлар да болды. Бірнеше науқасты шұғыл ауруханаға жатқыздық. Қатерлі ісікке күмәнді адамдар да анықталды. Мұндай науқастарды жергілікті медицина ошақтары әрі қарай бақылауға алады, – деп мәлімет берді телефон арқылы Үстірт станциясынан «Саламатты Қазақстан» мамандандырылған пойызының бас дәрігері Айнұр Егинбаева.  

Маңғыстауға сапарын 25 мамырда Опорная станциясында аяқтайтын пойыз әрі қарай су тасқынынан зардап шеккен халыққа қызмет көрсету үшін Атыраудың Құлсары қаласына жол тартады.    

Инфрақұрылым
13.06.2024
Жыл басынан бері 514,2 км теміржол желісі жөнделді
Станция тынысы
13.06.2024
Қазалы станциясы айына 1000 вагон жүк түсіреді
Станция тынысы
13.06.2024
Сарыөзектің үздік бригадасы
Аймақтар
13.06.2024
Ақтөбенің локомотив паркі жаңарып жатыр
ҚТЖ келбеті
13.06.2024
Жылжымалы құрамның қауіпсіз қозғалысын қамтамасыз етуде электромеханиктің жұмысы маңызды
Жолаушылар тасымалы
13.06.2024
Қазақстанда пойызбен қандай курорттық аймақтарға баруға болады?
Әлемде
12.06.2024
Euro-2024. Жанкүйерлер үшін Германия ішінде пойызбен қатынау тиімді болмақ
Жаңалықтар
12.06.2024
Еуропалық комиссия мен Қазақстан Транскаспий дәлізін үйлестіру платформасын іске қосты
Әлемде
12.06.2024
Эстонияда Operail жүк операторын сату бойынша аукцион басталды
Жолаушылар тасымалы
12.06.2024
Алғашқы туристік пойыз Алматыға Сианнан 1 шілдеде келеді
Жолаушылар тасымалы
12.06.2024
Елордадан Бурабай курортына электр пойызбен 2,5 сағатта жетуге болады
Жаңалықтар
11.06.2024
ҚТЖ мен Қытай терминал қызметін дамыту туралы келісті
Жүк тасымалы
11.06.2024
Қазақстан мен Қытай арасындағы теміржол жүк тасымалы 12% өсті
Жаңалықтар
11.06.2024
ЕО мен Қазақстан Транскаспий дәлізін дамыту мәселесін талқылады
Жолаушылар тасымалы
11.06.2024
ҚТЖ елордадан Алматы мен Шымкентке қосымша пойыздарды шығарады
Қауіпсіздік
11.06.2024
Бейнеу станциясында санитарлық-карантиндік жаттығу өтті
Аймақтар
11.06.2024
Арыс станциясында жүк вагонға ұрлыққа түскен күдіктілер ұсталды
Қауіпсіздік
11.06.2024
Техногендік сипаттағы төтенше жағдай қалай жойылды?
Аймақтар
11.06.2024
Қоршаған ортаны қорғау – игілікті іс
Темір жол тарихы
11.06.2024
Астана торабы – сала дамуының айнасы