Теміржолшылардың балалары лагерге аттанды
Атырау облысы бойынша меншікті тілші
Кеше Атырау магистральдық желі бөлімшесі мекемелер қызметкерлерінің 101 баласын Ақтөбедегі «Әсем» лагеріне шығарып салды.
Сол сияқты Атырау жүк тасымалы бөлімшесінен тағы 50 бала Көкшетаудағы «Парус» демалыс лагеріне жол жүріп кетті. Ал өткен аптада Атырау жүк тасымалы бөлімшесіне қарасты мекемелер теміржолшыларының 50 баласы оңтүстіктегі «Машат» лагеріне аттанғанын айтқан болатынбыз. Кеш болса да өңірдегі теміржолшылар балалары жазғы демалыстарын жылдағыдай лагерьде өткізуге мүмкіндік алып отыр.
Биылғы кешігудің өз себебі де бар, аймақта болған алапат су тасқыны да әсер еткені анық. Балалардың көбі көпбалалы және аз қамтылған отбасылардан шыққан. Оларды кадр және кәсіподақ жетекшілері бастап барып, пойызда, әрі-бері сапара барысында қауіпсіздігін қамтамасыз ететін болады.