Теміржолшылар Мәжіліс депутатымен кездесті
«Қазақстан теміржолшысы» газетінің тілшісі
ҚТЖ-да Жұмысшы мамандықтары жылына орай Парламенті Мәжілісінің депутаты Павел Казанцев пен «АMANAT» партиясы Есіл аудандық филиалының төрағасы Санира Жүсіпованың қатысуымен кездесу өтті.
Спикерлер жастар тәрбиесі, қазіргі таңда белең алып отырған лудомания, нашақорлық мәселелері туралы да ой-пікірін білдірді. Еркін форматта өткен жиында теміржолшылар спикерлерге өзекті мәселелер бойынша сауалдарын қойды. Қонақтарға ҚТЖ-ның өткен жылғы жұмыс қорытындысы бойынша бейнеролик көрсетілді. Соңғы жылдары тұрақты даму жолына түскен компания жүк және транзиттік тасымал бойынша жоғары көрсеткіштерге қол жеткізуде. Жүк айналымы 13 пайыз артып, контейнерлік тасымал көлемі өсті. Компанияның осындай жетістіктеріне куә болған спикерлер жұмысшы мамандықтарының үлкен тобы шоғырланған теміржолшылардың жұмысына табыс тіледі.
– Жалпы жұмысшы мамандықтары ЖОО мен колледждерде білім алудан басталады. Сол жерлерде әр тоқсан сайын жұмыс орындары жәрмеңкесі өтеді. Біз де партия тарапынан өткіземіз. Себебі бізде 250 партияның бастауыш ұйымы бар. Соның ішінде ҚТЖ, Қазпошта, Әуежай және басқа да мекемелерде партия ұйымдары жұмыс істейді. Сол мекемелерде жәрмеңкелер өткіземіз. Сонымен қатар 9-11 сынып оқушылары арасында кәсіптік бағдарлау бойынша жұмыстар жүргіземіз, – деді Санира Жүсіпова.
