Теміржолшылар коммуналдық қызмет жұмысшыларына қолдау көрсетті
Астанада үсті-үстіне қалың қар жауып, коммуналдық қызметтер күшейтілген режимде жұмыс істеп жатыр. Ұлттық компания қызметкерлері көшелерді қардан тазалау жұмысына жұмылдырылған еңбеккерлерге ыстық шай мен бауырсақ таратып, қолдау көрсетті.
– Биылғы «Жұмысшы мамандықтар жылына» орай қаламыздың жайлылығы мен тазалығы, оның тұрғындарының игілігі жолында тер төгіп жүрген еңбек адамдарына алғысымызды білдіргіміз келді. Күн сайын кез келген ауа райында еңбек етіп жатқан жандарға деген құрметіміз бен алғысымыз шексіз, біздің орталықтың 20 шақты қызметкері бірлесіп 60-70 шақты адамға ыстық шай мен бауырсақ тараттық. Жалпы мұндай акцияларды біз жиі ұйымдастырып тұрамыз, – деді «Қазақстан темір жолы» ҰК» АҚ Астана қаласы бойынша тасымалдауды басқарудың автоматтандырылған орталығының бағыттар бойынша аға диспетчері Санат Жүрсін.
Өз кезегінде астаналық коммуналдық уақыт тауып, осындай игі іс-шараны ұйымдастырушыларға ризашылықтарын жеткізді.