Ұжымдық шарт аясындағы көмек
Атырау облысы бойынша меншікті тілші
2024-2026 жылдарға арналған 12 бөлімнен тұратын Ұжымдық шарт бойынша теміржолшылардың балаларына, көп балалы отбасыларға берілетін әлеуметтік көмек аз емес.
Атырау магистральдық желі бөлімшесінің кадр қызметі берген мәліметке сүйенсек, өткен жылы 3 немесе одан да көп мектеп жасындағы балалары бар 301 отбасына 3 АЕК көлемінде материалдық көмек берілген. Отбасы күніне 4 және одан да көп кәмелетке толмаған балалары бар 368 қызметкерге, 1 маусым – Балаларды қорғау күніне, жалғызбасты ана мен әке – 25 қызметкерге де материалдық көмек көрсетілген.
Сондай-ақ 1 жас пен 13 жас аралығындағы балаларға жаңажылдық ертеңгілікке 0,5 АЕК көлемінде 980 балаға материалдық көмек берілді. Жазғы балалар демалысында 7 жас пен 13 жас аралығындағы 100 бала Ақтөбеде, 41 бала Ақтауда сауықтыру орталығында демалды. 1 қыркүйек – Білім күніне аз қамтылған және алыс разъездерде тұратын отбасының 69 баласына оқу құралдары салынған рюкзак-сумкалар табысталды.