Қызылордалық теміржолшылар «Мектепке жол» акцияға қатысты
Қызылорда облысы бойынша меншікті тілші
Балалардың жазғы демалысы бітер-бітпес олардың мектепке дайындығына кірісетін қызылордалық теміржолшылар «Мектепке жол» акциясы аясында әлеуметтік көмек көрсету шараларын өткізуде.
Кеше «Теміржолсу-Қызылорда» мекемесінің теміржолшылары ұжымдастарының балаларын қуантты. Олар әлеуметік санатына қарай 67 балаға қаржылай көмек берді. Олар – көпбалалы немесе мүгедек балалы отбасылар, жалғызбасты аналар, басқа да өзгенің көмегіне мұқтаж, әлеуметтік санатына қарай дәрежеленген отбасылардың балалары. Оларға жалпы сомасы 152090 теңге көлеміндегі қаржы үлестіріліп, отбасының есепшотына аударылып берілмекші.
– Жыл сайын «Мектепке жол» акциясы мен отбасы күні қарсаңында аз қамтылған отбасыларды қолдау мақсатында әлеуметтік көмек беріледі. Биыл санаты мен отбасы жағдайына қарай 67 балаға көмек көрсеттік. Оның ішінде 10 бала биыл мектеп табалдырығын алғаш аттағалы тұр. Оларға кәсіподақ тарапынан жалпы құны он мың теңге көлеміндегі мектепке қажетті оқу құрал-саймандары толтырылған портфель берілді, – деді мекеме басшысы Марат Шайжан.
Әрине бұл көмек отбасының әлеуетін еселемегенмен, баланың қатарынан кем болмай, мектепке, білімге деген құлшынысын арттыра түсуге ықпал етсе болғаны.