Нұрлан – республика чемпионы

Жуырда Астана қаласында осымен төртінші жыл қатарынан қысқы триатлоннан «QYSQY TRIATLON 2024» жалпыреспубликалық сайысы өткені белгілі. Байрақты бәсекеге қатысқан семейлік теміржолшы Нұрлан Бегәділов жеңіске жетті.  

Бұл жолғы жарыста қатысушылар 2,5 шақырымды жүгіріп өтіп, белгіленген межеге жеткенде велосипедке ауысып мінді. 3 шақырым қашықтықты жоғары жылдамдықпен жүріп өткен соң аяқтарына шаңғы байлап, тағы да 2,5 км қалың қар басқан аумақты басып өтті. Осылайша олар Есіл өзеніне дейін жетіп, мәрені бағындырды. Бұл сайыста Нұрлан өз салмағы бойынша топ жарып, белгіленген межені санаулы минуттар ішінде бағындырып, жүлделі екінші орынды жеңіп алды. Нәтижесінде арнайы сыйлық пен медальға және ұйымдастырушылар тарапынан марапатқа ие болды.  

Тоқтала кетсек, Семей магистральдық желі бөлімшесі техникалық бөлімінің бастығы Нұрлан Бегәділов өңірге аты шыққан атақты желаяқ. Спортпен айналысуды 2014 жылы бастаған, тек жеңіл атлетика ғана емес, шаңғы және велоспортты да серік етеді.

– Барлық жеңістерімді, жүлделерімді қазақ теміржолының 120 жылдығына арнаймын, – дейді желаяқ теміржолшы.