Тәжікстан Қытай–Қырғызстан–Өзбекстан теміржолы жобасына қосылғысы келеді
Тәжікстан Қытай–Қырғызстан–Өзбекстан теміржолы жобасына қосылуға ниетті екенін білдірді. Бұл — «Жаңа Жібек жолы» аясындағы стратегиялық көлік дәлізі. Бұл туралы ШЫҰ саммиті барысында Тәжікстанның көлік министрі Азим Иброһим ҚХР көлік министрі Лю Вэймен кездесуінде мәлімдеді.
Аталған жоба Қытайдан Өзбекстанға, әрі қарай Еуропаға жүк жеткізу уақытын қысқартуға мүмкіндік береді. Тәжікстанның бұл жобаға қосылуы елге өңірлік маңызды логистикалық маршруттарға шығу мүмкіндігін беріп, экономикалық маңызын арттырады.
Бұдан бөлек, тараптар шекарадағы өткізу пункттерін дамыту, Душанбе қаласында электромобильдерге арналған сервистік орталықтар ашу және логистикалық хабтар құру мәселелерін талқылады. Тәжікстанның бұл үдеріске қатысуы Қытаймен және Орталық Азия елдерімен терең интеграцияға жасалған маңызды қадам болмақ.