Дизельді ауыстыру цехы ашылды
Жаңалықтар
03.02.2017, 10:20
«Қамқор менеджмент» ЖШС тағы бір жаңа жобаны жүзеге асыруды бастады. Ақтөбе локомотив жөндеу депосында Дизельді ауыстыру цехы ашылды. Салтанатты шара барысында мамандар локомотивтің «жүрегі» саналатын қондырғыны тепловозға орнатты.
Компания өкілдерінің хабарлауынша, «Қамқор менеджмент» ЖШС дүниежүзін жайлаған экономикалық дағдарысқа қарамастан, өзінің жаңару мен жаңғыру үдерісін қалыпты жағдайда жалғастырып келеді. Заманауи талаптарға сай жаңа үлгідегі құрал-жабдықтармен жасақталған цехтың ашылу салтанатында сөз алған «Қамқор Менеджмент» ЖШС Бас директорының бірінші орынбасары Талғат Датбаев мұндай цехтың қажеттілігі жайлы айтты.
– Бұл цех қысқа уақытта салынып бітті.Сонымен бірге тепловозды күрделі жөндеу кезінде көптеген операцияны оңтайландыруға мүмкіндік береді. Жұмыстың сапасы мен жылдамдығы артады. Сондықтан, осы жобаның іске асуына атсалысқан барша азаматтарға алғыс айтамыз. Дизельді ауыстыру цехын игіліктеріңізге пайдаланыңыздар, – деді Талғат Датбаев.
Өз кезегінде, Ақтөбе жүк тасымалы бөлімшесі кәсіподақ ұйымының төрағасы Қанат Әлмаханов деполықтарға осындай мүмкіндік беріп отырған басшылыққа ризашылықтарын жеткізді.
– Қаржылық-экономикалық қиындықтарға қарамастан, осындай аумалы-төкпелі кезеңде локомотив шаруашылығы үшін қажетті цех ашуға мүмкіндік берген «Қамқор менеджмент» ЖШС басшылығына алғысымыз шексіз. Ақтөбе локомотив жөндеу депосының жұмысшылары үшін бұл тамаша мүмкіндік, ертеңгі күнге деген сенім. Өйткені, көп жерде жұмыс көлемі азайып, жұмысшылары қысқаруға ұшырап жатқан кезде, бізде керісінше өндіріс кеңейіп жатқаны қуанышты жайт, – деді Қанат Әлмаханов.
Жаңа нысанда дизель ауыстыру жұмыстарының басы-қасында жүрген аға слесарь Анатолий Глибичуктің айтуынша, цехтың ашылу салтанатында дизельді ауыстыруға 7 адам жұмылдырылды.
– Жаңа цех іске қосылған соң, айына 5 бірлік тепловоз жөндеуге болады. Мұнда локомотивті күрделі жөндеудің жиынтығы қарастырылған, – дейді аға слесарь.
Сервистік қызмет көрсету бағдарламасы артығымен орындалады деп күтілуде. Жұмыс жылдамдығы шамамен 50-70 пайызға артады.
Асқар Ақтілеу, Ақтөбе
Жаңалықтар
22.11.2024
ҚТЖ Бескөл депосында дизель отынының ұрланғанын анықтады
Жаңалықтар
22.11.2024
Ақмола бөлімшесі инфрақұрылымды жаңартуды және инновацияларды енгізуді жалғастыруда
Жүк тасымалы
22.11.2024
Қостанай ЖТ бөлімшесі қараша айында 2 359 вагон астық тиеді
ҚТЖ келбеті
22.11.2024
Жол монтерлерінің бір күні
Қауіпсіздік
22.11.2024
Жамбыл өңірінде қыста да қараусыз мал тиылмайды
Аймақтар
22.11.2024
«Syrmaq Fest»: Маңғыстаулық теміржолшы қолөнер көрмесін ұйымдастырды
Қауіпсіздік
22.11.2024
Шымкент станциясында өндіріс жарақатының алдын алу шарасы өтті
Әлеумет
22.11.2024
Күзет қызметкерлеріне көрсетілетін қолдау көп
Жаңалықтар
22.11.2024
Кәсіподақ сарапшылары құзыретін арттырды
Цифрландыру
22.11.2024
ІТ тақырыбына арналған білім сайысы өтті
Жаңалықтар / Мұрағат
22.11.2024
«Қазақстан теміржолшысы» газеті, №99 22 қараша 2024 жыл
Жолаушылар тасымалы
21.11.2024
№42 «Атырау-Алматы» жолаушылар пойызының қозғалысы уақытша тоқтатылады
Жаңалықтар
21.11.2024
Құрық портының түбін тереңдету жұмыстары мерзімінен бұрын аяқталды
Спорт
21.11.2024
Теміржолшылар арасында спартакиада өтті
Жаңалықтар
21.11.2024
ҚТЖ жол диагностикасының инновациялық технологияларын енгізуде
Жаңалықтар
21.11.2024
ҚТЖ Еуропадағы терминалдық желіні кеңейтуде
Жолаушылар тасымалы
20.11.2024
Семейде қаламаңы тасымалында тиімді бағдарлар көбейеді
Жүк тасымалы
20.11.2024
Ақмола бөлімшесі 307 мың тоннадан астам астық тиеді
Жаңалықтар
20.11.2024
Қазақстан көлік-транзит дәліздерін ТМД + форматында дамытпақ
Әлемде
20.11.2024
Қытай – Қырғызстан – Өзбекстан темір жол құрылысы бойынша келіссөздің соңғы сатысы жүріп жатыр