Бесжылдықтың бағдары

Жаңалықтар

17.02.2017, 11:40

Оқуға 2 мин

«Нұр Отан» партиясының Тараз қалалық филиалы Жамбыл жүк тасымалы бөлімшесінде бастауыш партия ұйымының жиыны өтіп, теміржолшылар Мемлекет басшысының билік тармақтарының өкілеттіктерін қайта бөлу туралы Үндеуі мен «Қазақстанның үшінші жаңғыруы: жаһандық бәсекеге қабілеттілік» атты Жолдауын талқылады. Алқалы жиында «ҚТЖ-ЖТ» АҚ филиалы Жамбыл бөлімшесі директорының бірінші орынбасары Үмітбек Рысбеков Елбасының билік тармақтарының өкілеттіліктерін қайта бөлу жөніндегі Үндеуі жаңа қарқынды даму бағытын ұстанған еліміздің мүлдем тың даму жолына түскендігін тілге тиек етті. Сондай-ақ, ол «ЭКСПО-2017» халықаралық көрмесінің жоғары деңгейде өтуіне теміржолшылар да белсене атсалысатындығын жеткізді. «Нұр Отан» партиясы облыстық филиалы төрағасының бірінші орынбасары Мұратхан Жүнісәліұлы Жолдауда мемлекет басшысы назар аударған бес басымдыққа талдау жасады. «Қазақстан-2050» Стратегиясының мақсаттарына бастайтын, Ұлт жоспары «100 нақты қадамды» орындайтын, дамудың жаңа белесін бағындыруды көздейді. Бұл шын мәнінде 30 озық елдің қатарына енуге деген батыл қадам. Жолдаудағы бірінші басымдыққа сәйкес «Қазақстанның ұлттық технологиялық бастамасы» деп аталатын 2025 жылға дейінгі дамудық стратегиялық ауқымды жоспары әзірленетін болады. Өткен жылы партияның ХVІІ съезінде қабылданған партияның сайлауалды бағдарламасында Баршаға арналған инновациялар – жаңа технологиялық сын-қатерлерге жауап деген бөлімінде дүниежүзінде «жаңа технологиялар пакеті» жинақталатыны және осыған байланысты партиямыздың жоғары технологияларды дамыту міндетін қойып отыр. Бағдарламада жалпыұлттық басымдықтар бірі – «цифрлық қоғамды» кеңінен қалыптастыру көзделген. Партиялас әріптестеріміздің күш-жігерін осы заманғы ІТ-инфрақұрылымды дамытуға жұмсайтынымыз айқын көрсетілген. Бұл орайда, өңірде «Химпарк-Тараз» арнайы экономикалық аймағы құрылған. Бұл жерде 16 химиялық кәсіпорынның құрылысы жоспарлануда. Ең алдымен «Еркін экономикалық аймаққа» тіркелген 5 қатысушының 6 жобасын іске асыру бойынша ішкі және сыртқы инфрақұрылымның құрылысы аяқталуда. Мұнымен қоса, бұл жұмыстар «Казфосфат», «Еврохим» және «Таласинвестмент» компанияларында жалғасуда. Жолдауда еуразиялық логистикалық инфрақұрылымды дамытуға баса назар аударылған. Осы орайда, партияның сайлауалды бағдарламасында «Нұрлы жол» мемлекеттік бағдарламасы аясында 2016-2019 жылдары аралығында 395,5 мың жұмыс орны құрылатыны, ол үшін 22,5 млрд АҚШ доллары бөлінгені, бұл қаржының көлік, тұрғын үй және әлеуметті инфрақұрылымдар саласында ауқымды құрылыс жұмысын бастауға мүмкіндік беретіні нақты көрсетіліп отыр», деді баяндамашы. Жиналғандар алдағы бесжылдыққа бағдар – Жолдаудан туындайтын міндеттерді орындауға жұмылу деді бірауыздан. Елбасы Жолдауда 2020 жылға қарай транзиттік тасымалдың контейнерлермен тасымалданатын жүктер үшін 7 есе яғни, 2 млн контейнерге және жолаушыларды әуе көлігімен тасымалдауды 4 есе яғни, 1,6 млн транзиттік жолаушыға дейін арттыруды тапсырады. Жиында, сонымен қатар теміржолшылар қатарынан партияның қалалық филиалының ХІХ кезектен тыс конференциясына делегаттар сайланды.

Бесжылдықтың бағдары

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл

Қазақстан теміржолшысы газеті, №79 06 қазан 2026 жыл