Әріптеске құрмет көрсетті

Жаңалықтар

10.03.2017, 12:03

Оқуға 1 мин

Кезінде Қызылорда мен Шымкент бөлімшелерінде қырық жыл еңбек еткен теміржолшы Юрий Лемаевты бір топ әріптесі 80 жасқа толуымен құттықтап барды. Ардагерлер кеңесінің төрағасы Нұрғали Нұртаев, кәсіподақ комитетінің төрайымы Тоқтар Бекова, ардагерлер Майра Бақбергенова мен Сәди Сайрамбаев, Шымкент станциясының бастығы Бердіхан Абдуллаевтар қазақтың дәстүрімен ақсақалға шапан жауып, қаржылай сыйлық ұсынып, сексенін қарсы алып отырған қарияны риза қылды. Қатарластарына арнап шағын дастархан жайған мерейтой иесі талай жыл бірге қызметтес болған тағы бірнеше жолдастарымен де қауышып, ұлы мен қазақ келіні қонақтарын күтісіп жүрсе, екі немересі той қызығын тамашалап, ойнап жүрді. – 1959 жылы Ташкенттегі темір жол институтын бітірген соң, Қазалы, Жосалы, Төретам станцияларында еңбек жолымды бастап, станция бастығының орынбасарлығына дейінгі сатылардан өттім. 1961 жылы Юрий Гагарин ғарышқа ұшқанда мен Төретам станциясында еңбек еткендіктен, тарихи сәтке куә болғанмын. 1962 жылы Қызылорда бөлімшесінде кезекші, 1969 жылы Шымкентке ауысқан соң бөлімше кезекшісі, пойыз диспетчері, Шымкент станциясында бас инженер болып 1996 жылы зейнетке шықтым. Жарым Нина Яковлевна да теміржолшы, бұйырса үш айдан кейін оның 80 жылдығын тойлаймыз, – дейді тың да қуатты қария.

Әріптеске құрмет көрсетті

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл

Қазақстан теміржолшысы газеті, №79 06 қазан 2026 жыл