ЕАЭО цифрлы көлік дәліздерінің экожүйесін құрмақ
«Қазақстан теміржолшысы» газетінің тілшісі
ЕАЭО-да цифрлы көлік дәліздерінің экожүйесін құру жұмыстары жалғасуда. Бұл туралы Еуразиялық экономикалық комиссияның бейінді сарапшы топтарының отырысында талқыланды.
Сарапшылық қауымдастық тарапынан отырысқа ірі көлік-логистикалық және сарапшылық компаниялар қатарында қазақстандық «Біріккен Көлік Логистикалық Компаниясы Еуразия теміржол альянсы» АҚ және ресейлік компаниялар өкілдері қатысты. Цифрлы инфрақұрылымдық экожүйе құру бойынша жобаларды, яғни ұлттық сервистердің ақпараттық-коммуникациялық көрсеткіштерін қарай келе қатысушылар осы мәселені тәжірибеде қолдануға көшуге қатысты келісілген тәсілдерді ұсынды.
Жоба ауқымын арттыру және Одақ аумағында бірыңғай көлік-логистикалық кеңістік құру үшін сарапшылық топ мүшелері мультимодальды тасымалды басқарудың цифрлы тетіктерін қолдану бойынша бірлескен пилотты жобаны ұйымдастырған дұрыс деп шешті.
2020 жылы қарашада Комиссия кеңесін анықтаған сервистер тізімі мен қажетті цифрлық инфрақұрылымға сүйене отырып отырысқа қатысушылар пилотты жоба шеңберінде оларды апробациялау үшін басымдыққа ие сервистерді бөліп көрсетуді ұсынды. Соның ішінде автомобиль көлігіне қатысты электронды халықаралық көлік жүкқұжаттарын қолдану бойынша сервис, сонымен қатар теміржол көлігіне қатысты электронды халықаралық көлік жүкқұжатын енгізу сервисі және электронды жол парағын қолдану бойынша сервистер бар.