Жәрмеңкеден жұмыс табу мүмкіндігі қандай?

Жаңалықтар

31.03.2017, 10:34

Оқуға 2 мин

Сәрсенбі күні Астанадағы Жастар сарайы, бұрынғы Конгресс холлда жұмыс жәрмеңкесі өтті. Онда «ҚТЖ» ҰК» АҚ – «Астана темір жол вокзалы кешені» филиалы жаңадан ашылатын темір жол вокзалына қажет мамандықтарға таңдау жариялады. Елордада биыл ашылады деп күтіліп отырған жаңа темір жол вокзалына жұмысқа орналасуға ниет білдіріп, түйіндеме тастап жатқандар нөпірінде шек жоқ. Жұмыс табуға үміткерлер қатарында биылғы жылы теміржол мамандарын дайындайтын оқу орындарын, колледжді тасымалдауды ұйымдастыру кәсібі бойынша бітірушілер қарасы мол көрінеді. Жалпы 60 компания қатысып, 1200 бос орын ұсынылған жәрмеңкеде теміржолшылар түрлі мамандық бойынша 170 бос орынға таңдау жасады. -Біз ұсынып отырған мамандықтар: диктор, вокзал бойынша кезекші, оның ішінде зал, перрон, аумақ кезекшілері, анықтама беру бойынша кезекші. Бұл мамандыққа үміткерлерге қойылатын арнайы талап, ҚР Инвестициялар және даму министрінің бұйрығы бар. Біз барлық талаптар тізімін ҚТЖ-ның railways.kz сайтында жарияладық. Біз бүгін тапсырып жатқан резюмелер арасынан жарияланған бос орындарға сәйкес келетін мамандарды іріктеп, таңдап аламыз. Кейін оларға хабарласып, бір ай бойы қосымша оқытып, дайындаймыз. Міндетті түрде кескін-келбеті, бойына қатысты критерийлер ескерілетін болады. Сондай-ақ, жаңа вокзал қызметкерлеріне арнайы киім тігелетін болады. Ең басты талаптың бірі, вокзалдың әр қызметкері қазақ, орыс, ағылшын тілдерінде сөйлей алуы тиіс, – дейді Астана темір жол вокзалы кешені директорының қамтамасыз ету жөніндегі директоры Нұрлан Аманжолов. Бос орындар жәрмеңкесіне жаңа темір жол вокзалына қызмет көрсететін әскерилендірілген темір жол күзеті және темір жол көлігі ішкі істер басқармасы да қатысты.

Жәрмеңкеден жұмыс табу мүмкіндігі қандай?

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл

Қазақстан теміржолшысы газеті, №79 06 қазан 2026 жыл