Тоқсанға толған теміржолшылар

Жаңалықтар

25.04.2017, 11:54

Жамбыл жүк тасымалы бөлімшесінің директоры Берік Ақшалов пен аймақ кәсіподағының төрағасы Жұман Сәменов Ұлы Отан соғысының ардагері, қарт машинист Николай Комаровты мерейлі 90 жасымен құттықтап барды. Ұлы Жеңістің қарсаңында тоқсан жасқа толып отырған Николай Филиповичтің туған күні 14 сәуір. 1927 жылы Қырқыз елінің Фрунзе облысы Талас қаласында дүниеге келген Николай ата өткен ғасырдың ортасында, 1943 жылы 7 сыныпты бітіріп, ФЗО-да паровоз машинисінің көмекшісі курсына түседі. 1944 жылдың соңында, жасы 17 ден енді асқанда әскер қатарына шақырылып, №41 танкіге қарсы атқыштар полкінде дайындық, жаттығу шараларынан өтеді. 1945 жылы 18 жасқа толған күні генерал-полковник А.В.Кравченко басқаратын алтыншы гвардиялық полкі сапында соғысқа кіреді. Өлім мен өмір арпалысқан талай сұрапылды бастан кешіп, бір жолы жараланып, контузия алады да елге қайтарылады. Соғыстан кейін елге оралған Николай Филипович Алматыдағы теміржолшылар техникумын бітіріп, Жамбыл станциясындағы локомотив пайдалану депосына паровоз машинисті болып орналасып, одан тепловоз машинисі болып, табаны күректей 32 жыл бір еңбек етеді. 1982 жылы зейнетке шыққан соң да алты жыл вагон пайдалану депосында қазандықта еңбек етеді. Кеудесінде жарқыраған «Ұлы Отан соғысы» ІІ дәрежелі ордені, «Германиядағы жеңісі үшін» медаліне бейбіт өмір марапаттары қосылды. -Кешегі күні қолға қару алып ел өқорғасаңыз, бейбіт заманда Жамбыл локомотив депосында еңбек етіп, теміржол саласының дамуына үлес қостыңыз. Екі майданның ардагері сіздің өмір жолыңыз жас ұрпаққа тағлым болмақ. Деніңіз сау болып, ұрпағыңыздың қызығын көре беріңіз,- деп тілек білдірді қарт майдангерді құттықтай келген Жамбыл жол бөлімшесінің директоры Берік Сағымбекұлы. Қарт ардагер теміржол басшылығы сыйға тартқан плазмалық теледидарға қатты қуанып, немересіне бөлмесіне іліп қоюға бұйрық берді. Бүгінде ұл қызынан төрт немере, төрт шөбере сүйіп отырған Николай Комаров әлі де тың да бақуатты, қолы боста кешегі өзі еңбек еткен локомотив депосына бас сұғып, жас әріптестерімен кездесіп тұрады.

Тоқсанға толған теміржолшылар

Басқа да жаңалықтар

Қазақстан теміржолшысы газеті, №32-33 28 сәуір 2026 жыл