Ауа-райының нашарлауына байланысты ҚХР-да жүктерді түсіру баяу жүріп жатыр
Ағымдағы жылдың 13-18 қараша аралығында Алашаңқай шекаралық станцияда (ҚХР) жүктерді түсіру баяу жүргізілуде, осыған байланысты астық, өсімдік майы мен коксты тасымалдауға уақытша тыйым салынды.
Бұл ретте жүк жөнелтушілер қарашаның екінші онкүндігінде тасымалдау жоспарын орындамағаны үшін айыппұлдардан босатылды.
Баяу түсіру Алашаңқай станциясындағы жолдарды қайта жаңартумен байланысты, сондай-ақ ауа райы жағдайлары да әсер етті. 31 қазаннан 10 қарашаға дейін Достық және Алашаңқай станцияларында желдің екпіні 26-28 м/с дейін жетуде. Желдің күшеюі түсіру терминалдарының жұмысын қиындатуда.
Достық және Алашаңқай станцияларының қызметкерлері табиғи әсерді барынша азайту, тасымалдардың қауіпсіздігі мен уақытылығын қамтамасыз ету жөнінде қажетті шаралар қабылдауда.