Құқықтық білім берді

Жаңалықтар

30.05.2017, 15:39

ҚР Кәсіподақ Федерациясының еңбек дауларын шешу және зерттеу, оқу орталығының ұйымдастыруымен Семей ЖТ бөлімшесі кәсіподақ белсенділері арасында «Еңбек жанжалдары және еңбек дауларын шешу. Оларды шешудің құралдары. Әлеуметтік әріптестік және ұжымдық – шарттық қарым-қатынастар» тақырыбында семинар өтті. Кәсіподақ оқуына кәсіподақ қызметкерлері және белсенділерімен қатар, жұмыс беруші тараптың өкілдері, мекеме басшылары да қатысты. Семинар модераторы, аталмыш орталықтың директоры, экономика ғылымдарының докторы Мейрам Қажыкенов болды. Басқосуды ашқан филиал директорының бірінші орынбасары Дәукен Ибраев «Кәсіподақ мүшелерінің құқықтық санасын көтеру мен еңбекшілердің қоғамдық белсенділігін жоғарылатуда, жұмыс берушінің заңсыз талаптарына көнбістік танытпауға үйретуде, жергілікті ұйымдарда еңбек заңнамасын бұзуға жол бермеуде осындай басқосулардың берері мол екенін жеткізіп, қатысушыларға сәттілік тіледі. Салалық кәсіподақ ұйымы Орталық кеңесінің өкілі Алик Досанов та өз кезегінде жиында еңбек қатынастарын реттеу, жұмысшылардың әлеуметтік кепілдіктерін қамтамасыз ету бойынша маңызды мәселелер көтерілетіндігін айтып, қатысушыларды белсенді болуға шақырды. Аталмыш шараның Семей ЖТ бөлімшесі ұйымының жұмыс жоспарына сай кәсіподақ белсенділеріне құқықтық білім беру мақсатында өткізіліп отырғанын жеткізді. Семей өңірінде өткен оқытудың соңында Мейрам Зекешұлы слайд түрінде дайындап әкелген Кәсіподақтың Заң қызметімен еңбек құқығын қолдану сұрақтары бойынша әдістемелік нұсқаулықтар, нормативтік құқықтық актілерге түсіндірмелер, еңбекақы төлеу, жұмыс уақыты мен демалыс уақыты туралы сұрақтар бойынша құжаттар жинағын қатысушыларға үлестіріп берді.

Құқықтық білім берді

Басқа да жаңалықтар

Қазақстан теміржолшысы газеті, №32-33 28 сәуір 2026 жыл