2024 жылы теміржолшылар үшін 180 модульдік ғимарат орнатылады
![](https://rail-news.kz/uploads/2024/04/23/iDYX6B2n2plKZuk5alQlQAfzRBEGiYXbU3UEY1cZ.jpg)
ҚТЖ-да еңбек жағдайларын жақсарту бойынша жұмыстар жалғасуда. 2023 жылы шалғай учаскелерде жұмыс істейтін теміржолшылардың демалысы үшін 132 модульдік ғимарат сатып алынды, деп хабарлайды Rail-news.kz.
Олар жол, байланыс және электрмен жабдықтау қызметкерлері үшін өндірісте жайлы тұрмыстық жағдайларды қамтамасыз етеді. Үйлерге барлық қажетті инженерлік коммуникациялар қосылған. Олар душ кабиналарымен, тұрмыстық техникамен, жиһазбен, ыдыс-аяқпен және т.б. жабдықталған.
![](https://rail-news.kz/uploads/attachments/whatsapp-image-2024-04-23-at-100800-6627468f75871.jpg)
2024 жылдың соңына дейін шалғайдағы станциялар мен разъездерде осындай 180 модульдік ғимарат орнату жоспарлануда. Қазіргі уақытта мұндай үйлерді салу кезінде ең көп уақытты қажет ететін жұмыстар жүргізілуде-іргетас қалануда. Сарықұм, Күрішдаласы, Шолдала, Күркіреусу, Ақпан, Қорғасын, Қызылсай, Дарбаза, Жылга, №16, 15, 18, 19, 236, 142 және т. б. разъезд станцияларында 20 модульдік ғимарат орнату үшін іргетасын қалауға дайындық жүргізілуде.
![](https://rail-news.kz/uploads/attachments/whatsapp-image-2024-04-23-at-100800-1-66274693a9f66.jpg)