Илецк станциясында өткен конференцияда автотежегіш жұмысын жақсарту мәселесі қаралды

Жаңалықтар
14.05.2024, 11:47
Райхан Рахметова

«Қазақстан теміржолшысы» газетінің тілшісі

Илецк станциясында локомотив және вагон шаруашылығы қызметкерлерінің қатысуымен автотежегіш тақырыбына арналған конференция өтті. Іс-шара мақсаты – жылжымалы құрамның тежегіш механизмінің дұрыс жұмыс істеуін қамтамасыз ету.

Жиында ТЧЭ-27 – Илецк локомотив пайдалану депосының бастығы Ерболат Құсниязов сөз сөйлеп, конференцияға төрағалық етті. Өз сөзінде ол 2023-2024 жылғы қысқы кезеңдегі жұмыстарды ескертпе алмай жүргізгенін, пойыздар мен локомотивтерде тежегіштердің қатуына жол берілмегенін жеткізді. Сонымен қатар іс-шара кезінде екі шаруашылық бойынша, қозғалыс қауіпсіздігін қамтамасыз ету жағдайына, жыл басынан бері жылжымалы құрамдардың тежегіш тетіктерінің жұмысына талдау жүргізілді.  

Илецк техникалық қызмет көрсету қосынының бастығы Рашид Байниязов пойыздардың кешігуіне жол бермеу үшін, сонымен қатар тежегіш тетіктерінің сапасын арттыру мақсатында жылжымалы құрамдардың тежегіштерін толық және қысқа сынақтан өткізу, оларды қарау технологиясын іс жүзінде көрсету арқылы техникалық сабақтар өткізу қажеттілігін айтты.  

Жол үстінде локомотивтердің тежегіш құралдарының жарамды жұмысын қамтамасыз ету үшін локомотив бригадалары локомотивтерді қабылдап аларда тежегіш датчигінің жұмысын тексеру, тежегіш иінтірегішін реттеу, сонымен қатар құм шаруашылығын да тексеру қажеттілігін ТЧЭ-27 бастығының орынбасары Александр Соболев атап өтті.  

– Локомотив бригадалары жол бойында автотежегіштердің дұрыс жұмыс істеуін қамтамасыз етуі керек. Ол үшін жылжымалы құрамның тежегішін пайдалану жөніндегі №1109-ЦЗ бұйрығы, 9 бөлімі бойынша нұсқаулықты ұдайы сақтап, орындап отыруы керек, – дейді Александр Соболев.  

Мұндай конференциялар өткізу жұмыс процесінде туындайтын мәселелерді шешу, сол арқылы пойыздар қозғалысы қауіпсіздігін және жылжымалы құрамның сенімді жұмысын қамтамасыз ету үшін қажет екені айтылды.

 

Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет
Жаңалықтар / Мұрағат
01.04.2025
Қазақстан теміржолшысы газеті, №24 01 сәуір 2025 жыл
Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста