Әйтеке биде жаңалық көп

Жаңалықтар

04.07.2017, 10:06

Әйтеке би – осыдан он жыл бұрын салынған «Хромтау – Алтынсарин» магистрлының бойында ашылған станция. Станция басшысы Жандос Әбдіжәлелов бүгінде тиелетін астық көлемінің артып келе жатқанын жеткізді. -Жыл басынан бері көрсеткіш артып келеді. Тәулігіне төрт астық тасымалдайтын вагон тиеледі. Қосымша вагондар жалға алынып жатыр. Астақ негізінен Солтүстік Кавказ бағытына қарай жөнелтіледі, - дейді станция басшысы. Айта кетейік, Әйтеке би станциясында штаттық кестеге сәйкес 34 адам қызмет етеді. Биылдан бастап жүк және жедел жұмыстарға жауапты басшы орынбасары штаты ашылған. Станция басшысының айтуынша, дәл қазір текше тас тиеу жұмысы тұралап тұр. Дегенмен, тамыз айында текшетас өндірісімен айналысатын кәсіорын жұмысы араға бір жарым жыл салып қайта жанданбақ. Сосын, тамыз айында көмір тасымалы да басталады. . Маңғыстаудың ақ тасына да сұраныс артып келеді екен. Жергілікті жеңіл ақ кірпіштер де тасымалдана бастаған, құрылыс блоктары да көптеп жеткізілуде. - Біздегі тағы бір жаңалық, ЭКСПО көрмесіне орай жолаушылар пойыздары саны артты. Бүгінде Астана мен батыс аймақтағы облыс орталықтарын жалғайтын бір емес, екі пойыздан бар. Әсіресе, отандық «Тұлпар-Тальго» пойыздары көбейіп, біздің станцияда да жұмыс көлемі артты, - дейді станция басшысы. Бүгінде станцияға кіре беріс көздің жауын алады, жасыл желек жайқалып тұр. Сонымен бірге, теміржол мен ауылдың арасы бұрын бос кеңістік болса, осы жылдан бастап вокзалға апаратын жол төселіп, аллея жасалып жатыр. Гүлзарлар отырғызылып, отырғыштар қойылуда. Жергілікті әкімдік қолға алған абаттандыру жұмыстары қыркүйек айына дейін аяқталады деп күтілуде.

Әйтеке биде жаңалық көп

Басқа да жаңалықтар

Қазақстан теміржолшысы газеті, №32-33 28 сәуір 2026 жыл