Кәсіби теміржолшылар – Шиеліде

Жаңалықтар

04.07.2017, 10:10

Қызылорда темір жолының Шиелі станциясы өндіріс орындары шоғырланған аймаққа жақын орналасқандықтан, жыл он екі айда жұмыс бар. Станцияның тынымсыз тіршілігіне әбден төселген шиелілік теміржолшылар мамыр айында 33 вагонға жүк тиеу жоспарын 62 вагонға жеткізіп, екі есе артық орындаған. Ал бес ай ішінде 499 вагонға 28 721 тонна жүк тиеген. Сондай-ақ, мамыр айында 920 вагоннан жүк түсіріліп, бес айда 5200 вагоннан жүк түсірген. Шиелі станциясы бастығының орынбасары Нұрғали Әбжаппаровтың айтуынша, Шиелі станциясының теміржолшылары әр айдың жүк тиеу, түсіру, жүк құжаттарын рәсімдеу және станциялық жұмыстар межесін артығымен орындап отыр. Тек мамыр айында 985 жүк вагоны, бес айда 5720 вагон бекеттің кірме жолдарына берілген. Мамыр айында станция жолдарында 1444 вагонды 27 жүк пойыз тарқатылып, 45 жүк пойызына 1550 вагон құрастырылған. Бес айда 172 пойыздың 3525 вагоны тарқатылса, олардан 7095 жүк вагоны жегілген 212 вагон құрастырылған. Станцияда 10 жол мен 13 бағыттамалық және бірнеше кірме жолдар бар. – Вагондарды белгіленген жолдарға шығару, кірме жолдардан алу, ұзын және қысқа құрамды пойыздардың қабылданып-бөлшектеліп таратылуы мен қайта құрастырылу, олардың құжаттарын рәсімдеу секілді жұмыстардың бәрі уақытылы атқарылып, әрбір теміржолшы өзіне жүктелген кәсіби міндетін атқарып, бекітілген жоспарлардың асыра орындалуына үлес қосуда. – Бізде өз жұмысын бес саусағындай меңгерген кәсіби теміржолшылар көп. Станция кезекшісі Лұқпан Смайлов, станция кезекшісі жанындағы оператор Гүлзира Жүсіпова, тасымал құжаттарын өңдеу операторы Тоғжан Піржанова, пойыз құрастырушы Ислам Қарамұрзаев, парк кезекшілері Әзімхан Кісенбаев пен Әмзеғали Әбіловтер ерен еңбегінің арқасында ұжымға сыйлы да беделді жандар, – дейді Шиелі станциясы бастығының орынбасары Нұрғали Жүрсінұлы.

Кәсіби теміржолшылар – Шиеліде

Басқа да жаңалықтар

Қазақстан теміржолшысы газеті, №32-33 28 сәуір 2026 жыл