Ақтау портында хаб құрылысы жүріп жатыр
Ақтау портында порттың өткізу қабілетін жылына 240 мың ЖФЭ-ге дейін арттыратын заманауи контейнерлік хаб құрылысы жүріп жатыр, деп хабарлайды Rail-news.kz.
Теңіз айлағында 24 га аумақты тазарту аяқталды, ал объектіге 313 мың тоннадан астам топырақ жеткізілді. Тігінен жоспарлау бойынша жұмыстар 65% орындалды.
100 астам арнайы техника және 12 сағаттан екі ауысымдағы жұмыс құрылыстың толық бақылануы мен динамикасын қамтамасыз етуге мүмкіндік береді.
Сондай-ақ, портта түбін тереңдету жұмыстары жоспарлануда, бұл оның терминалдық қуатын арттырып, контейнерлік тасымалдау үшін тиімдірек етеді, теміржол жүктерін ауыстырып тиеуді арттыру үшін порт инфрақұрылымын және теңіз тасымалы әлеуетін жақсартады.
Анықтама: 2024 жылы Сианда (ҚХР) "Жібек жолы" Сегізінші халықаралық көрмесі аясында "KTZ Express" АҚ (ҚТЖ еншілес ұйымы), "Ляньюньган порты МК" ЖШҚ және "Ақтау теңіз сауда порты" ҰК" АҚ "Ақтау портында контейнерлік хаб салу" жобасын іске асыру үшін бірлескен кәсіпорынның құрылтай құжаттарына қол қойды. Контейнерлік хаб құру жөніндегі жоба екі елдің (ҚР және ҚХР) үкіметтерінің қолдауына ие болды және "Бір белдеу, бір жол" жаһандық бастамасы шеңберінде іске асырылуда.