Тұғырда тұрған тарих

Жаңалықтар

18.08.2017, 10:52

Оқуға 2 мин

Қазақстан темір жолының өн бойында, станция мен депо аулаларында, көрнекі жерде тұғырда тұрған көне отарбалар жүз жылдық тарихтың символы іспетті, Аспан асты мұражайының ең басты экспонаты теміржолшылардың үлкен мақтанышы. Жамбылдық теміржолшылар да Жамбыл локомотив депосының ауласында орналасқан тарихи ескерткіш паровозды қатты құрметтейді. Тарихқа үңілсек, сонау өткен ғасырдың жетпісінші жылдарының ортасы Жамбыл локомотив депосының ардагерлері бастамасымен теміржолшылар еңбегіне лайықты құрмет - ескерткіш қою қолға алынады. Депода музей ашылып, аулаға Түрксібтің көзін көрген Э№4161 паровозы қойылады. Мұны кешегі аталар дәстүріне тағзым, бүгінгі ұрпаққа аманат деп түсінген теміржолшылар зор мақтаныш еткен. Алайда Қазақстан теміржолының 110 жылдығына орай, ұлттық комманияның шешімімен Таразда тұрған э№4161 тарихи паровозы Астана төріне апарып орнатылды. Ал Таразға Л№3576 паровозы әкеліп орнатылды. Осылайша паровоз орнатылған кешен өз келбетін жойған жоқ. Алайда соңғы кезде жамбылдық теміржолшылар алаңдаулы. Оған себеп, кәсіпорынға Курорт Бурабай станцисындағы «Рауан-Бурабай» ЖШС директоры Р.Махаевтен келген хат болып тұр. Хат мазмұнында «Жамбыл локомотив пайдалану депосының аумағында орналасқан паровоз-ескеркіш «Рауан-Бурабай» ЖШС балансына қарайды. Серіктестік басшылығы алдағы уақытта паровозға демонтаж жүргізіп, маталломға өткізуді жоспарлап отыр» делінген. Темір сынығын өткізуге басқа нысан табылмағаны ма? Осы хаттың негізінде бүгінгі күні Жамбыл жол бөлімшесінің әкімшілігі тиісті орындарға хат жолдап, теміржолшылардың мақтанышына айналған паровоз-ескерткішті тұғырынан тайдырмауға әрекет жасап жатыр. - Өз кәсібін сүйген, өнегелі аталар жолын ұстанған әрбір теміржолшы үшін бұл ескерткіш қасиетті де қастерлі. Біз жылда теміржолшылар күні бала-шағамызбен, немерелерімізбен суретке түсіп, өткеннен естелік айтамыз. Салтанатты шаралар өткізіп, ары-беріден соң теміржолшылардың жай бас қосып әңгіме шертетін жері де осы. Ендеше, әрбір теміржолшы әулетінің, қарапайым жұмысшының тағзым етер жәдігеріне неге қиянат жасаймыз, бұзылмай сақталса деп өтініш айтамыз. Дәстүр үзілмей,теміржолшылар қалыптастырған құндылықтар жоғалмауы тиіс,- дейді осы жаңдайға байланысты пікір білдірген Құрметті теміржолшы Сағымбек Ақшалов.

Тұғырда тұрған тарих

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл