Теміржолшылар ұйымдасқан түрде сенбілікке шықты
Бүгін елордада "ҚТЖ" ҰК" АҚ ұжымы ұйымдастырған ауқымды сенбілік өтті. Компанияның 500 жуық қызметкері абаттандыру мен қоршаған ортаның тазалығына үлес қосу үшін қаланың орталық көшелерінің бірі – Ұлы дала көшесі бойына шықты, деп хабарлайды Rail-news.kz.
Теміржолшылар іс жүзінде бірлік пен жауапкершілік олардың кәсіби қызметінде ғана емес, туған қаласына қамқорлық жасауда да маңызды қағидаттар екенін көрсетті. Сенбілік аясында ағаш отырғызуға және қоқыс жинауға ерекше назар аударылды.
"Біз тек адамдар мен жүктерді тасымалдап қана қоймай, қалалар мен елдерді байланыстыратын маршруттар құрумен қатар өмір сүретін және жұмыс істейтін ортамызды жақсартуға тырысамыз. Мұндай бастамалар ұжымды біріктіріп, еңбек пен табиғатқа құрмет қалыптастырады", — деп атап өтті сенбілікке қатысушылар.
"ҚТЖ" ҰК" АҚ дәстүрлі түрде әлеуметтік жауапкершілікті дамытуға бағытталған экологиялық акциялар мен іс-шараларды қолдайды. Компания: таза қала - оның барлық тұрғындарының ортақ еңбегі екеніне сенімді.